ग्रामिण सडक निर्माणले सडक सँजाल बनाउनुपर्छः साँसद यादव

न्यूज ब्यूरो, जनकपुरधाम । मधेश प्रदेशका प्रदेश साँसद राम अशिष यादवले ग्रामिण सडक निर्माणले सडक सँजाल पूरा गर्नुपर्ने बताएका छन् ।

धनुषा निर्वाचन क्षेत्र नम्बर २ (ख) बाट दोस्रो पटक प्रदेश साँसदमा निर्वाचित यादवले सकड सँजाल पूरा गरी अन्य सेवासुविधाहरुमा स्थानीयहरुको पहुँच बनाउन सहज पार्ने योजना रहेको बताए ।

धनुषाको औरही गाउँपालिका वडा नम्बर ५ को चक्कर टोलमा प्रदेश सरकारको बजेटले निर्माण हुन लागेको ग्रामिण सडकको शिलान्यास गर्दै उनले ग्रामिण सडक बनाएर दमकल यन्त्र, एम्बुलेन्स लगायत अन्य सवारी साधनको सहज पहुँच बनाउनुपर्ने बताए ।

गाउँ टोलमा आगलगी हुँदा, विरामी पर्दा दमकल, एम्बुलेन्सको घरसम्म सहज पहुँन नहुँदा कठिनाई हुँदै गरेको बताउँदै उनले ग्रामिण सडक सँजाल निर्माणले विकासको अनुभूति गराउनुपर्ने बताए ।

वडाध्यक्ष ५ का वडाध्यक्ष सरोज मण्डलको अध्यक्षता तथा प्रदेश साँसद यादवको प्रमुख आतिथ्यमा एक कार्यक्रमबीच सडकको शिलान्यास गरिएको हो ।

शिलान्यास कार्यक्रममा बोल्दै उनले विकास निर्माण कार्यमा सबै दलगत स्वार्थ त्यागी एक जुट भएर लाग्नु पर्ने कुरामा जोड दिए ।

शिलान्यास कार्यक्रममा वडा नम्बर ६ का वडाध्यक्ष शंकर प्रसाद साह,नगर अध्यक्ष कमलदेव मंडल ,समाजसेवी चिकित्सक डा. निरन्जन कुमार गोईत सहित स्थानीय नेता र ग्रामीणवासीको उपस्थित रहेको थियो ।

प्रदेश सांसद रामअशिष यादवको समन्वय र मधेस प्रदेश सरकारको सहयोगमा रु २५ लाख रुपैयाँको लागतमा ग्रामीण सडकको निर्माण गरिनेछ ।