पारालाईसिस पीडित मालीलाई ७३ हजार सहयोग

न्यूज ब्यूरो, जनकपुरधाम । धनुषाका एक पारालाईसिस पीडितलाई माली समुदायले सहयोग गरेको छ ।

वैदेशिक रोजगारीको क्रममा रहेका धनुषाका माली समुदायका युवाहरुले आर्थिक सहयोग गरेका छन् । धनुषाको हँसपुर नगरपालिका वडा नम्बर ६ कट्टि निकाल बस्ने अन्दाजी बर्ष ५० का ब्रहम्देव मालीलाई सहयोग गरिएको हो ।

केही दिन अगाडी उनलाई परालाईसिसले सताएपछि अपाँग बनेका मालीलाई विदेशमा रहेका युवाहरुले आर्थिक सँकलन गरी सहयोग गरेको हो । मालीलाई ७३ हजार ३०० रुपैयाँ सहयोग गरेको हो ।

वैदेशिक रोजगारीमा रहेका नारायण भण्डारी, सत्तो भण्डारी र जय प्रकाश भण्डारी मिलेर रकम सँकलन गरी उनलाई हस्तान्तरण गरेको हो ।

पीडित ब्रहम्देवको घरमै पुगेर उनीहरुले सो आर्थिक रकम सहयोग गरेको हो । यसका साथै, उनलाई आगामी दिनमा उपचारको लागि समेत सहयोग गर्ने प्रतिवद्धता जनाएका छन् ।