'प्रभु' ले खोले नयाँ पार्टी

न्यूज ब्यूरो, रौतहट । स्वतन्त्रबाट निर्वाचित भएका चर्चित नेता प्रभु साहको अध्यक्षतामा ‘आम जनता पार्टी’ घोषणा भएको छ ।

बिहीबार एक कार्यक्रमका बीच साहले उक्त पार्टी घोषणा गरेका हुन् ।

पार्टीको केन्द्रीय कमिटी १५१ सदस्यीय बनाइएको छ । सातै प्रदेश इन्चार्ज र अध्यक्ष चयन गरिएको साहको सचिवालयले जानकारी दिएको छ ।

लामो समय माओवादीमा सक्रिय रहेका साह नेकपा विभाजनपछि एमालेमा गएका थिए ।

तर, मंसिर ४ मा भएको प्रतिनिधिसभारप्रदेशसभा चुनावमा उनी एमालेले दिएको टिकट छाडेर स्वतन्त्र उम्मेदवारी दिएर रौतहट ३ बाट निर्वाचित भएका हुन् ।