जनकपुरको सिद्धार्थ स्कूलले दिए सरकारी स्कूललाई खेलसमाग्रीसहित डेस्क बेन्च

न्यूज ब्यूरो, जनकपुरधाम । जनकपुरको निजी विद्यालय सिद्धार्थ शिशु सदनले आफ्नो ४२ औं बार्षकोत्सवको शुभ अवसरमा अध्ययन सामग्री, खेलकुद सामग्री तथा डेस्क बेन्चहरु सामुदायिक विद्यालय श्री शंकर आधारभूत विद्यालयलाई सहयोग गरेको छ ।

जनकपुरधामको वडा नं. १८ मा पर्ने श्री शंकर आधारभूत विद्यालयलाई सो सामाग्रीहरु सहयोग प्रदान गरेको हो । विद्यालयमा अध्ययनरत बालबालिकाहरुलाई गुणस्तरिय शिक्षा सँगसँगै शारिरिक तथा बौद्धिक विकासको लागि सो सामाग्रीहरु हस्तान्तरण गरेका छन् ।

सिद्धार्थ शिशु सदनले हरेक वर्ष झै यो वर्ष पनि स्कुलमा बार्षिकोत्सवको शुभ अवसर पारी साइन्स एक्जिबिसन, खाना प्रदर्शनी, रगत दान, आदि कार्यक्रमहरु गरेर बार्षकोत्सव मनाएका छन ।

सोही अवसरमा श्री शंकर आधारभूत विद्यालयका प्रधानाध्यापक रामकिशोर साहले सहयोग गर्दै आफना स्कुलका विद्यार्थीहरुलाई हौसला प्रदान गरेको र भविष्यमा पनि बिभिन्न निकायलाई सहयोग गर्न अनुरोध गर्दै शिद्धार्थ स्कूल प्रति हार्दिक आभार प्रकट गरेका थिए ।

निजी विद्यालयले कुल आर्जन गरेको सम्पतिको ५ प्रतिशत प्रत्येक वर्ष सामुदायिक विद्यालयलाई सहयोग गर्नु पर्ने ऐन पुर्व अर्थमन्त्री डा. युवराज खतिवडा अर्थ मन्त्री हुँदा २०७७ सालमा बनाएको भएपनि निजी विद्यालयहरुको संघ सङ्गठनहरुको विरोधका कारण लागू हुन सकेको छैनन् ।

कार्यक्रममा सिद्वार्थ शिशु सदनका प्रबन्धन निर्देशक शितल यादव, प्रिन्सीपल राजु यादव, शिक्षक रामानन्द ठाकुर, परमजित यादव र सन्तोष मण्डल सहितको उपस्थिती थियो ।