मिर्चैयाः आफ्नो पार्टीको मान्छे नभएको भन्दै जमिन अतिक्रमण गरी सडक, अदालत गुहार्दै जग्गा धनी

न्यूज ब्यूरो, सिरहा । सिरहाको मिर्चैयामा एक वडाध्यक्षले व्यक्तिगत रिसवी साध्न सार्वजनिक जग्गा हुँदाहुँदै नीजि जग्गामा जबरदस्ती सडक बनाउन लागेको आरोप लगाईएको छ । 

सडक विस्तार गर्दा नेपालका प्रचलित कानूनले कानून बमोजिम जग्गा प्राप्त गर्नु पर्ने प्रावधान रहेको छ । सडक विस्तार गर्दा लिन खोजिएको कुन–कुन कित्ता नं. बाट के कति क्षेत्रफल जग्गा, पर्खाल, घर, टहरा वा स्थायी संरचना प्राप्त गर्ने हो ?  नाप नक्शा गरी सम्पूर्ण विवरण खुलाई राजपत्रमा सूचना प्रकाशित गर्नु पर्ने र सो नगरी पत्रिकामा प्रकाशित सूचनाको आधारमा घरघरमा चिन्ह लगाएपछी मात्र जग्गा अतिक्रमण गर्ने प्रावधान रहेको छ । 

तर, सिरहाको मिर्चैया नगरपालिका वडा नम्बर ९ साबिक फुलबरिया गाविस वडा नं. २ का रेवी महतो आफ्नो निजी जग्गा अतिक्रमण गरेर सडक विस्तार गरिएपछि न्यायका लागि प्रशासन र अदालत गुहार गरिरहेका छन् ।

 एक तर्फ सडकको लागि ऐलानी जग्गा हुँदाहुँदै पनि उनको निजी जग्गा अतिक्रमण गरेको छ । मिर्चैया नगरपालिकाको घुर्मीमा पर्ने पूर्व–पश्चिममा राजमार्ग देखि उत्तर करिब ३ किलोमीटर कमल दह जाने मुख्य सडकमा महतोको बल पुर्वक जग्गा मिचेर सडक बनाइएको छ । मिर्चैया नगरपालिकाको ६० लाख लागतको नगर स्तरीय बजेटबाट उक्त सडक कालोपत्र भइरहेको छ । 

 

यसरी भएको थियो जग्गा अतिक्रमण

जग्गा धनी रेवी महतोको नाममा रहेको सिरहा गा।बि।स फुलबरिया वार्ड  नं. २.२ (क) को कित्ता नम्बर ३२७९ को ०–४–२ र कित्ता नम्बर ३२८७ को ०–२–४.७५ जग्गामा मिति २०७९।८।१६ गते विहान ११ बजेको समयमा शंकर कनट्रक्सन प्रा.लि. मिर्चैयाबाट २ जना कर्मचारी खटी धम्काए । 

उपरोक्त उल्लेखित जग्गामा आई जग्गा धनी महतोलाई “तपाईको जग्गा हो ? हो भन्ने यो जग्गामा भएको धानवाली अविलम्ब हटाई हाल्नु यो जग्गाहरुवाट नयाँ निर्माणको वाटो बनाउँछु हटाउनु हुन्न भने हामीले जेसिबी ल्याई धानवाली माटोले पुरि नयाँ निर्माणको सडक बाटो बनाउँछु” भनि ति कर्मचारीहरु फिर्ता भएका 

थिए ।

कन्सट्रक्सनका कर्मचारी आएर जग्गाधनी महतोलाई धम्काएपछि जग्गा धनी महतोले मिति २०७९।८।१८ गते वडा कार्यालयमा गई त्यहाँको वडा अध्यक्षसँग भेटेर नै गुनासो पोखेका थिए । 

जग्गा अगाडी सार्वजनिक सडक बाटो हुँदाहुँदै आफ्नो मंजुरी सहमति बिना बलजवरजस्ती भए पनि नयाँ निमार्णको सडक बाटो बनाउँछु भनि शंकर कनट्रक्सनका कर्मचारीहरुले धम्काएको गुनासो पोख्दा वडाध्यक्षले आफ्नो पार्टीको नभएकोले केही गर्न नसक्ने प्रतिक्रिया दिए । 

वडाध्यक्षले कर्मचारीले आफ्नो अनुसार काम गर्ने बताउँदै आफ्नो पार्टीको मान्छे नभएकोले केही गर्न नसक्ने प्रतिक्रिया दिएको आरोप जग्गाधनी महतोले लगाए । 

 सोही कुरालाई लिएर जग्गा धनी महतो मिर्चेया नगरपालिकाको कार्यालयमा गई नगर प्रमुख श्रवण कुमार यादवलाई सम्पूर्ण कुरा सुनाउँदा पनि यो वडा कार्यालयको काम हो भनी महतोलाई फर्काइ दिएका थिए ।  

 जग्गा धनी महतोले नगरपालिकामा केही कुराको टुंगो नलागेपछि मंसिर १९ गते ईलाका प्रहरी कार्यालय मिर्चैयामा जग्गाको बारेमा कार्यालय प्रमुखलाई सम्पूर्ण विवरण सुनाउँदा त्यहाँको कार्यालय प्रमुखका अनुसार जग्गा जमिनको विषयमा यहाँबाट केही गर्न नसकिने भएपछि त्यहाँबाट पनि महतोलाई रित्तो हात फर्किनु बाहेक कुनै सीप लागेन ।

जग्गा धनी महतोलाई वडा कार्यालय, नगरपालिका प्रहरी प्रशासनले नपत्याएपछि बाध्य भएर उच्च अदालत जनकपुर राजविराज इजलास पुगेका थिए । उनले मिर्चैया नगरपालिकाको कार्यालय, नगर प्रमुख (मेयर) श्रवण कुमार यादव, मिर्चैया नगरपालिका वडा नम्बर ९ को वडा कार्यालय, वडा अध्यक्ष दिनेश मण्डल, शंकर कन्ट्रक्सन प्रा.लि. मिर्चैया सिरहा शंकर कन्ट्रक्सन प्रा.लि. मिर्चैया सिरहा संचालक सरोज कुमार साह, ईलाका प्रहरी कार्यालय मिर्चैया, जिल्ला प्रहरी कार्यालय, सिरहा र जिल्ला जिल्ला प्रशासन कार्यालय सिरहालाई विपक्षी बनाएर निषेधाज्ञा मुद्दा दायर गरेको थियो ।

त्यसपछि उच्च अदालत जनकपुर राजविराज इजलासमा दायर गरेको मुद्दाको इजलास नं(२ का न्यायाधीश जगत बहादुर थापाको अन्तरीम आदेशले छलफलको लागि बोलाएको छ ।

अदालतले दुवै पक्ष बसेर निक्र्यौल गरी मात्र कामकाज अगाडी बढाउन भनेपछि त्यसलाई वेवास्ता गर्दै वडाध्यक्ष र मेयरले नीजि जग्गा अतिक्रमण गरी सडक बनाउन लागेको आरोप छ ।