आज रातीदेखि धनुषाको नेपाल–भारत बोर्डर तीनदिनसम्म सील हुने

न्यूज ब्यूरो, जनकपुरधाम । छिमेकी मुलुक भारतको बिहार राज्यस्थित स्थानीय तहको चुनावलाई लिएर बोर्डर सील हुने भएको छ ।

बिहार राज्यको मधुवनी जिल्लामा नगरपालिकाको चुनाव हुन लागेको भन्दै शुक्रबार राती १२ बजेदेखि नै ७२ घण्टाको लागि सीमा सील हुने भएको छ ।

आईतबार मधुवनी जिल्लाको नगरपालिकामा चुनाव हुन लागेको भन्दै जिल्ला प्रशासन कार्यालय धनुषाले जनकनन्दिनी गाउँपालिका, विदेह नगरपालिका, नगराईन नगरपालिका र मुखियापट्टि मुसरनीया गाउँपालिकाको क्षेत्रमा पर्ने धनुषाको नेपाल–भारत बोर्डर सील हुने भएको छ । सीमामा धनुषाको धनौजी गाउँपालिका पनि परेको छ ।

भारतसँगको खुल्ला बोर्डरको कारण नेपालबाट भारी सँख्यामा सर्वसाधारणहरु सस्तो भन्दै घरायसी सरसमानहरु किन्न पारी जाने गरेको छ । शुक्रबार रातीदेखि बन्द हुने बोर्डर आईतबार राती मात्र खुल्ने भएको छ ।

सोमबारदेखि पुनः विधिवत रुपमा बोर्डर सँचालनमा आउने भएको छ ।