अधिकारको नाममा हिँसा भडकाउन खोज्ने नेहा र निहारिका पक्राउ

न्यूज ब्यूरो, जनकपुरधाम । कानुनी बाटो हुँदाहुँदै अधिकारको नाममा हिँसा भडकाउने खोज्ने पीडित भनिएकी नेहा चौधरी र कुमारी आमा भनिएकी निहारिका सिँह राजपुतलाई पक्राउ गरिएको हो ।

नेहाका श्रीमान डा. पँकज चौधरीमाथि मुद्दा दायर भएको आरोपमा प्रहरीले पक्राउ गरिसकेको अवस्थामा नेहा र निहारिकाले सस्तो लोकप्रियताको लागि हिँसा भडकाउन खोज्दा पक्राउ परेकी हुन् ।

बिहीबार रामगोपाल नगरपालिका वडा नम्बर ५ रामगोपालस्थित बजार बन्द गराउन आन्दोलनमा उत्रिएका नेहा चौधरी र कुमारी आमा निहारिका राजपुतलाई पक्राउ गरिएको महोत्तरी प्रहरी प्रमुख कृष्ण पंगेनीले जानकारी दिए।

महोत्तरीको रामगोपालपुर नगरपालिका वडा नम्बर ५ की नेहाले श्रीमान पंकज चौधरी सहित ६ जना विरुद्ध मुद्दा दर्ता गराएपनि पंकजलाई मात्रै पक्राउ गरेर नहुने भन्दै उनीहरूलाई पनि पक्राउ गर्न माग राखी आन्दोलनमा उत्रिएका थिइन्।

सासु र ससुरालाई समेत पक्राउ गर्नुपर्ने भन्दै हिजोदेखी रामगोपालपुर बजारमा नेहा स्थानीयको सहयोगमा सडक आन्दोलनमा उत्रेका हुन्।

आन्दोलनमा सहभागीहरुले सवारीसाधनसहित सरकारी सम्पति समेत तोडफोड गरेपछि नेहा र नेहारिकालाई नियन्त्रणमा लिएको महोत्तरी प्रहरीले जनाइएको छ। पक्राउ परेको दुवै जनालाई प्रहरी जिल्ला प्रहरी कार्यलय जलेश्वरमा राखिएको छ।

नेहाले श्रीमान् पंकजमाथि पाँचवटा मुद्दा दिएकी छिन्। अंश मानाचामल,घरेलू हिंसा,जलसाजी, लिखित बदर र दाइजो सम्बन्धी कसुर मुद्दा पंकजमाथि दिएकि हुन्। दाइजो मुद्दामा ५१ लाख नगदसहित सरसमान र पाँचवर्ष कैद दाबी गरिएको छ।

नेहा र पंकजको घटनामा सात वटा मुद्दा दर्ता भएको छ। पाँचवटा मुद्दा नेहाले पंकजमाथि गरेकी छिन् भने दुई मुद्दा पंकजले नेहामाथि दिएका छन्।

पंकजले जिल्ला अदालत महोत्तरीमा सम्बन्ध विच्छेद र उच्च अदालत जनकपुरमा निषेधाज्ञा मुद्दा दिएका छन्। सम्बन्ध विच्छेद मुद्दामा सुनवाई सुरु भएको छैन्।

यता, पक्राउ परेका डाक्टर पँकज चौधरीलाई विभिन्न तवरबाट मानसिक तनाव समेत दिइएको छ । उनीमाथि मुद्दा परेपछि उनको जागिर समेत चैट्ट भएको छ भने विभिन्न सँचारमाध्यम र समाजिक सँजालमा मान प्रतिष्ठान समेत मर्दन गरिएको छ ।

अनुसन्धानको लागि पँकज चौधरीलाई प्रहरीले नियन्त्रणमा लिएर अनुसन्धान जारी राखेकै अवस्थामा नेता र निहारिका कसैको उक्साहट र योजनामा सरकारी सम्पतिहरुमा तोडफोड गराएको भन्दै पक्राउ गरिएको हो ।

पछिल्लो समय विभिन्न आईनजिओ, एनजिओले सस्तो लोकप्रियता कमाउन, कथित अधिकारकर्मीहरुले सस्तो लोकप्रियताको लागि परिवारिक सदस्यहरुलाई बलीको बकरा बनाउँदै आएको देखिएको छ । अधिकारको नाममा कैयौँ घरपरिवार ध्वस्त बनाएको छ ।