गौडेता नगरभित्रको सबै महिला स्वयंसेविकालाई साईकल : मेयर यादव

न्यूज ब्यूरो, सर्लाही । सर्लाही जिल्लाको गौडेता नगरपालिकाले नगरभित्रको महिला स्वयँसेविकाहरुलाई साईकल दिने बताएका छन् ।

१९ औँ महिला स्वयंसेवक दिवसको अवसर पारेर आयोजना गरिएको एक कार्यक्रमबीच नगरपालिकाका मेयर देवेन्द्र कुमार यादवले नगरभित्रको महिला स्वयंसेविकाहरुलाई आवतजावत र सेवा प्रभावकारीको लागि साईकल दिने निर्णय गरिएको बताए ।

महिला स्वयम सेविकाहरुलाई आवतजावतमा हुने समस्यालाई मध्यनजर गर्दै नगरको स्वास्थ सुधारमा महिला स्वयम सेविकाको समेत महत्वपूर्ण योगदान रहेको बताउँदै मेयर यादवले उनीहरुको सहजताको लागि साईकल दिने बताए ।

महिला स्वयम सेविकालाई सो नगरपालिकाले मासिक २ हजार रुपैयाँ भत्ता समेत वितरण गर्दै आएको छ । संघिय सरकारले समेत महिला स्वयम सेविकालाई मासिक १ हजार भक्ता दिदै आएको छ ।

६० बर्ष पार गरिसकेको महिला स्वयम सेविकाको स्थानिय सरकार तथा नेपाल सरकारकाबाट दिने सेवा सुविधा सावन महिनादेखि बन्द गरिएको जानकारी गराए ।

एसईई (एसएलसी) पास सहित मापदण्ड पुरा गरेकालाई पार्टीबाट उठेर नयाँ स्वयम सेविकाको सिफारिस गर्न मेयर यादवले आग्राह गरे । मेयरले एकलौटी निर्णय गर्ने अधिकार नभएको स्पष्ट पार्दै सामुहिक निर्णय गर्दै आएको बताए ।

गोडैता नगरपालिकाको १२ वटै वडाका स्वास्थ चौकी तथा प्राथमिक स्वास्थ केन्द्र मार्फत ९१ जना महिला स्वयम सेविकाका रुपमा कार्यरत रहेका छन ।