छात्रवृतिमा खाली भएको सिटमा वैकल्पिक सिफारिस नगरिए CTEVT मा तालाबन्दी गर्छौः सँयोजक गोईत

न्यूज ब्यूरो, जनकपुरधाम । नेपाल विद्यार्थी सँघ (नेविसँघ) सिटिईभिटी मधेश प्रदेशका सँयोजक ईन्द्रजीत गोईतले मधेश प्रदेशको सिटिईभिटी कार्यालयमा तालाबन्दीको चेतावनी दिएका छन् ।

मेडिकल ईन्सिटीच्युट लाहानको नर्सिङ्ग कार्यक्रममा वर्गिकृत छात्रवृतीमा खाली भएको सिटमा भर्ना निर्देशिका अनुसार अर्को बैकल्पिक विद्यार्थीहरुलाई समेत सिफारिस गर्नुपर्ने माग राख्दै उनले तालाबन्दीको चेतावनी दिएको हो ।

प्रवेश परिक्षा २०७९ बाट सिफारिस भई विभिन्न शिक्षालयमा नियम पुर्वक भर्ना भएको विद्यार्थीहरुको नाम सार्वजानिक गर्नुपर्ने सहितका पाँच सुत्रिय मांग उनीहरुले गरेको छ ।

सिटिईभिटी मधेश प्रदेशका प्रमुख नागेन्द्र साहलाई मँगलबार ज्ञापन पत्र बुझाउँदै नेपाल विद्यार्थी संघले विभिन्न मांग राख्दै मांग पुरा नभए सिटिईभिटी मधेश प्रदेशको कार्यालयमा तालाबन्दीको चेतावनी दिएको छ ।

संघको सिटिईभिटी मधेश प्रदेश समन्वय समितिले एक प्रेश बिज्ञप्ती जारी गर्दै विभिन्न पाँच सुत्रिय मांग गरेको छ ।

माग पुरा नभए सिटिईभिटी मधेश प्रदेशको कार्यालयमा तालाबन्दीको चेतावनी समेत दिइएको संघको सिटिईभिटी मधेश प्रदेश समन्वय समितिका संयोजक गोइतद्धारा हस्ताक्षरित विज्ञप्तीमा उल्लेख छ ।