धनुषा निर्वाचन क्षेत्र नं. २ (क) मा सूर्यलाई उछिन्दै लाउडस्पीकर छापको अग्रता

न्यूज ब्यूरो, जनकपुरधाम । धनुषाको निर्वाचन क्षेत्र नम्बर २ को ताजा परिणाम अनुसार प्रदेश साँसद तर्फ जनमत पार्टीका दिपेन्द्र तेथवार अगाडी भएका छन् ।

साँझ ५ बजेसम्मको मतपरिणाम अनुसार निर्वाचन क्षेत्र नम्बर २ को (क) मा डा. सिके राउत नेतृत्वको जनमत पार्टीबाट उम्मेदवारी दिएका दिपेन्द्र तेथवार एमालेलाई उछिन्दै अग्रता लिएको छ ।

मतपरिणाम अनुसार अहिलेसम्म भएको मतगणनामा लाउडस्पीकरको १६९४ मत, सूर्यको १२१९ मत, कलम छापको ११०३ मत र साईकल छापको ५७१ मत रहेको छ ।

केही समय अगाडी सूर्य छाप अगाडी रहेकोमा सूर्यलाई उछिन्दै जनमतको हर्नले अग्रता लिएको हो ।

अहिलेसम्म कमला नगरपालिकाको वडा नं. १, २ र ३ को मतगणना सम्पन्न भएको हो ।