आजदेखि ७ दिनसम्म सार्वजनिक विदा

न्यूज ब्यूरो, जनकपुरधाम । धनुषाको जनकनन्दिनी गाउँपालिकाले आगामी मँसिर ५ गतेसम्म सार्वजनिक विदा दिएको सूचना प्रकाशित गरेको छ ।

यही मँसिर ४ गते हुन लागेको प्रतिनीधिसभा सदस्य तथा प्रदेशसभा सदस्य चुनावको लागि वर्तमान अवस्थालाई मध्यनजर गरी ५ गतेसम्मको लागि सार्वजनिक विदा दिएको हो ।

सो अवधीमा राजनीतिक चहलपहल, सुरक्षालाई मध्यनजर गरी गाउँपालिकाभित्रको सबै समुदायिक तथा नीजि विद्यालय, वडा कार्यालय, अस्पतालहरु समेत बन्द रहने जनाइएको छ ।

गाउँपालिका अध्यक्ष दिपिन देव यादवद्धारा हस्ताक्षरित जारी गरिएको सो सूचनामा मँसिर ५ गतेसम्म बन्द रहने छ भने मँसिर ६ गते मँगलबारदेखि पुनः साविककै समयमा सबै कार्यालयहरु खुल्ने जनाइएको छ ।

सोही क्रममा सुनसरी जिल्लाको इनरुवा नगरपालिकाले समेत आगामी मँसिर ५ गतेसम्म सबै विद्यालयहरु विदा हुने सूचना जारी गरेको छ ।

निर्वाचनमा विद्यालयका कर्मचारीहरु समेत खटिने भएकोले आगामी ५ गतेसम्म विद्यालयहरु बन्द रहने जनाएको छ ।