धनौजीको रामजानकी मन्दिरमा युवा र म्यादी प्रहरीको सरसफाई

न्यूज ब्यूरो, जनकपुरधाम । धनुषाको धनौजीस्थित युवाको टोली र म्यादी प्रहरीको टोली मिलेर रामजानकी मन्दिरको सरसफाई गरेको छ ।

हिन्दु धर्मावलम्बीहरुले मनाउने ठुलो चाडको रुपमा रहेको छठ पर्वको अवसरमा निर्वाचनको लागि खटाइएका म्यादी प्रहरी र स्थानीय युवाहरुले रामजानकी मन्दिर परिसर सरसफाई गरेको हो ।

रामजानकी मन्दिर परिसरसहित त्यहाँस्थित रहेको सार्वजनिक जग्गाहरुमा समेत सफाई गरिएको छ । छठ पर्वमा गन्दकी फैलिन नदिनको लागि छठको पूर्वसन्ध्यामा सरसफाई गरिएको हो ।

धनौजी गाउँपालिका वडा नम्बर २ धनौजी टोलस्थित रहेको बजारको छेउको रामजानकी मन्दिर सफाईको लागि कसैले चासो नदेखाएपछि स्थानीय युवा, सँचारकर्मी र म्यादी प्रहरी मिलेर सफाई गरेको हो ।

प्रहरी चौकी भडरियामा खटाइएका म्यादी प्रहरीको टोली धनौजी पुगेर मठ मन्दिर, घाटको सरसफाई गरिदिएको हो ।

सरसफाईको लागि सशस्त्र प्रहरी बल धनौजीका ईन्सपेक्टर मनिष कटुवाल, प्रहरी चौकी भडरियाका हलब्दार याशु सिँहको विशेष उपस्थिति रहेको थियो ।