कमला नगरपालिकामा विद्यालयहरु अनिश्चितकालको लागि बन्दको निर्णय

न्यूज ब्यूरो, जनकपुरधाम । धनुषाको कमला नगरपालिकाभित्रको समुदायिक विद्यालयहरु अनिश्चितकालिन बन्दको चेतावनी शिक्षकहरुले दिएका छन् ।

आईतबार कमला नगरपालिकाभित्रको समुदायिक विद्यालयहरुको शिक्षकहरुको सँयुक्त बैठकले समयमा तलबभत्ता नदिए विद्यालयहरुको पठनपाठन अनिश्चितकालिन बन्द गर्ने निर्णय गरेको हो ।

विभिन्न विद्यालयहरुबाट शिक्षक सँघसँगठनका पदाधिकारीहरुको बैठकबाट तीन बुँदे निर्णय गरेको हो । उनीहरुले समयमा तलब भत्ता पाउने तुक नदेखिएपछि तिहार र छठ पर्वको विदापछि विद्यालयहरु अनिश्चितकालिन बन्द गर्ने निर्णय गरेको हो ।

शिक्षकहरुले चालु आर्थिक वर्षको प्रथम चौमासिकको तलब भत्ता दुई दिन भित्र उपलब्ध गराउनुपर्ने, निकासा नभएपछि कार्तिक २ गतेदेखि ४ गतेसम्म पेन डाउन गरी पठन पाठन गर्ने तथा विदा पश्चात पनि तलब भत्ता नदिए विद्यालयको सम्पूर्ण पठनपाठन बन्द गर्ने निर्णय गरेको हो ।

कमला नगरपालिकाको वडा नम्बर ५, वडा नं. ७ र वडा नं. ९ का वडाध्यक्षले दलगत स्वार्थ साधेपछि योजनाहरु सँचालन हुन सकेको छैनन् ।

वडाध्यक्षहरु समेत दुई कित्तामा विभाजन भएपछि कमला नगरपालिका अझै सँचालन हुन सकेको छैनन् । तीन वटा वडाले मात्र अहिलेसम्म योजना नदिएपछि कुनै योजना प्रविष्ट हुन नसक्दा शिक्षकहरुले भोकै बस्नु परेको हो ।