टिकटोकर धीरुभाई भन्छन्ः 'साथीको रिसबीले झगडा मात्र भयो, मलाई कुटपिट भएको छैन'

न्यूज ब्यूरो, जनकपुरधाम । जनकपुरको राजदेवी मन्दिरमा गएराती कुटपिट गरिएको भनिएको टिकटोकर धीरुभाई (मनिष मण्डल) ले आफूलाई कुनै प्रकारको कुटपिट नगरिएको बताएका छन् ।

राजदेवी मन्दिरमा दर्शनको लागि जाँदा उनका शुभचिन्तकहरुले उनीसँग सेल्फी लिँदा भीड बढेपछि भीडबाट निकाल्ने बखतको भिडियोलाई गलत व्याख्या मात्र गरिएको उनले दाबी गरेका छन् ।

मन्दिर घुमघाम पश्चात मन्दिर बाहिर निस्किन लागदा फोटो सेल्फी लिन घेरिएका युवाहरुको भिडबाट सुरक्षित निकाल्ने समयको भिडियो कसैले खिचेर कुटपिट गरेको भनी झुठो अफवाह फैलाएको उनले दाबी गरेका छन् ।

समाजिक सँजालसहित समाचार माध्यमहरुमा समेत उनलाई प्रतिबन्धित ठाउँमा टिकटोक बनाएको भन्दै कुटपिट गरिएको समाचारप्रति आपत्ति जनाउँदै त्यस्तो केही पनि नभएको उनले खण्डन गरे ।

उनलाई मन्दिरबाट निकाल्न बायाँमा बिजय साह मिट्ठु र दायाँमा पप्पु ठाकुर दुबै जना धिरुसंगै गएका उनकै साथीहरु देखिएको दाबी गरिएको छ । उनले सोही भिडियोलाई गलत तवरले प्रचार गरिएको भन्दै यस्तो नगर्न आग्रह गरेका छन् ।

विभिन्न सँचारमाध्यमसहित समाजिक सँजालमा उनलाई सामुहिक रुपमा कुटपिट गरेको भन्दै पोष्टहरु भएपछि उनी सो तथ्यलाई खण्डन गरेका हुन् ।

हिन्दुधर्मावलम्बीहरुको आस्थाको केन्द्र भनिने राजदेवी मन्दिरमा पसेर स्थानीय सरिफ राइन नामक युवकले सुनिल अधिकारी नामक युवकलाई योजना तहत कुटपिट गर्ने उदेश्यले भित्रै छिरेर उच्छृँगल गतिविधि गरेपछि भनाभन मात्रै भएको बताइएको छ ।

करिब ३ बर्ष अगाडी सरिफ राईनसहित उनका साथीले सुनिल अधिकारी नामक युवकलाई छुरा प्रहार गरी गम्भिर घाईते बनाएको थियो । सोही झगडाको रिसबीले मेलाको मौका छोपेर पुनः आक्रमण गर्ने उदेश्यले उनी मन्दिर परिसरभित्र छिरेर झगडा गर्न खोजेको बताइएको छ । धीरुसँग कुनै प्रकारको झै झगडा नभएको दाबी गरिएको छ ।