स्थापना दिवसमै फुट्यो राजपा, नयाँ पार्टी गठन

न्यूज ब्यूरो ||
जनकपुरधाम, ७ बैशाख । राष्ट्रिय जनता पार्टी नेपाल राजपा को स्थापना दिवसकै दिन पार्टीमा फुट भएको छ ।

पार्टीको कामकाजबाट असन्तुष्ट राजपा नेपालका उपाध्यक्ष अशोक कुमार यादवको नेतृत्वमा पदाधिकारी र केन्द्रीय सदस्यहरु राजपाबाट अलग्गिएर राष्ट्रिय जनता पार्टी ९लोकतान्त्रिक० घोषणा गरेका छन् ।

शुक्रबार आज रिपोर्टर्स क्लब नेपालमा पत्रकार सम्मेलन गर्दै उनीहरुले राजपा ९लोकतान्त्रिक० नामक नयाँ पार्टी घोषणा समेत गरेका हुन् ।

तत्कालै अशोक कुमार यादवको सँयोकत्वमा तदर्थ समिति गठन गर्दै समितिको सह–संयोजकमा रीतेश कुमार सिंह, कोषाध्यक्षमा मधुमाया यादव, महासचिवमा सुवासचन्द्र बिराजी, महासचिवमा जीवन साह, सचिवहरुमा साधना यादव र लक्की शर्मा, प्रवक्तामा दिपेन्द्र यादव, केन्द्रिय तदर्थ समिति सदस्यहरुमा धर्मराज गुप्ता, विपना आचार्य र शम्भु पण्डितलाई छानिएको हो ।

प्रथम मधेश आन्दोलनमा ६३ जनाले सहादत दिएको जिकिर गर्दै ‘मधेश आन्दोलनमा निर्दोष मधेशी जनताले ज्यान गुमाए, तर यसको फाईदा र उपलब्धि भनेको अहिलेको राजपा नेपालका अध्यक्ष मण्डलका ६ जना र उनीहरुका परिवारलेमात्रै सुविधा लिन तल्लनी भए, संविधान संशोधनको विषयमा उनीहरुले कुनै भूमिका खेलेनन्’ उनले थपे ।

मधेशी जनताको मुल एजेण्डा संविधान संशोधनमा कुनै भूमिका नखेलेको बरु सत्तामा जानमात्रै हतार गरेकोले आफूहरुले बाध्य भएर पार्टी फुटाएको संयोजक यादवको स्पष्टोक्ति थियो ।

उनले भने, ‘अध्यक्ष मण्डलका ६ जना सदस्यहरुले मुद्दा नै बिर्सजन गर्नुभयो, उहाँहरुले मधेशको मुख्य मुद्दालाई नै तिलाञ्जली दिनुभयो, यो जनताप्रतिको धोका र गद्दारी हो ।’ राजपाका नेतृत्वकर्ताहरुले आन्दोलनलाई सत्तामा पुग्ने भ¥याङ् बनाएको उनको आरोप थियो ।

त्यस्तै कार्यक्रममा बोल्दै सह–संयोजक रीतेश कुमार सिंहले आफूहरुले पद नपाएर पार्टी नफुटाएको स्पष्ट पारे । उनले भने, ‘विगतमा के भयो रु हामीलाई थाहा भएन, तर अहिलेपनि हामी राम्रै पदमा थियौँ, उहाँहरुको चल्ने शैली गलत थियो, जुन एजेण्डाका लागि आन्दोलन भएको थियो, त्यसमा उहाँहरुले कुनै काम गर्नुभएन् ।’

राजपा नेपालका अध्यक्ष मण्डलहरुले राष्ट्रियताविरुद्ध गतिविधि गर्दै आएको आरोप लगाउँदै सिंहले भने, ‘उनीहरुबाट राष्ट्रियतामाथि खतरा देखेकोले हामीले बाध्य भएर पार्टी फुटाएका हौँ ।’

उनले आफूहरुले घोषणा गरेको नयाँ पार्टीको मुख्य एजेण्डा राष्ट्रियतासहितको लोकतन्त्र र समाजवाद भएको स्पष्ट पारे ।

राजपाभित्रका सबै असन्तुष्ट साथीहरुलाई यो नयाँ पार्टीमा आफूहरुले स्वागत गर्ने उनको आह्वान थियो ।

राष्ट्रियता, लोकतन्त्र र समाजवाद आफूहरुको मुख्य राजनीतिक एजेण्डा हुने सिंहको भनाई छ । त्यस्तै उनले यो पार्टीलाई छिट्टै राष्ट्रिय पार्टीको रुपमा अघि बढाउनेपनि विश्वास दिलाए ।

निर्वाचन आयोगको नियम अनुसार पार्टी गठन भएको १ वर्षभित्रै महाधिवेशन गर्नुपर्ने व्यवस्था रहेकोले सोही अनुसार आगामी एकदेखि डेढ वर्षभित्रै महाधिवेशन सम्पन्न गर्ने उक्त पार्टीले जनाएको छ ।

मधेशमा अहिलेसम्म विकास नभएको बताउँदै उनले राजपा ९लोकतान्त्रिक०ले अब विकासकेन्द्रित गतिविधि अघि बढाउने जनाएको भनेर दैनिक नेपालमा समाचार छ ।