दशैँमा तलब भत्ताको माग गर्दै क्षीरेश्वरनाथ नगरपालिकाका कर्मचारी धर्नामा

न्यूज ब्यूरो, जनकपुरधाम । धनुषाको क्षीरेश्वरनाथ नगरपालिकाका कर्मचारीहरुले तलब भत्ताको माग गर्दै धर्नामा बसेका छन् ।

दशैँ जस्तो चाडपर्वमा पनि नगरपालिकामा कार्यरत कर्मचारीको तलब भत्ता पाउने कुनै तुक नदेखिएपछि कर्मचारीहरु आन्दोलित भएका छन् ।

नगरपालिकाको आन्तरिक विवादले नगरसभा पारित हुन नसक्दा नयाँ खाता सँचालन नभएकोले कर्मचारीहरुलाई तलब भत्ता खान कठिनाई भएपछि धर्नामा बसेका छन् ।

नगरपालिकामा कार्यरत सम्पूर्ण कर्मचारीहरु एक जुट भई स्थानीय सरकार विरुद्ध धर्ना दिएको छ । जनप्रतिनीधिहरुको आन्तरिक किचलोका कारण अझै नगरसभा पारित हुन नसक्दा समस्या भएको हो ।