त्रिभुवन विमानस्थल : केही बेरपछि उडान र अवतरण सुरु हुने

न्यूज ब्यूरो ||
काठमान्डौँ, ७ बैशाख । त्रिभुवन विमानस्थल मैदानमा फसेको मालिन्दो एयरको विमानलाई हटाइएपछि साढे ११ बजेपछि विमानहरु उडान अवतरण भर्न सक्ने जनाइएको छ ।

गएराती ९ ४५ बजे उडान हुनुपर्ने उक्त विमान त्रिभुवन विमानस्थलको रनवेबाट तल झरेपछि दुर्घटना भएपछि सम्पूर्ण उडानहरु रद्द सहित विमानस्थल बन्द गरिएको थियो ।

लामो समयको प्रयासपछि तानेर रेनवे बाहिर फसेको विमानलाई हटाइएको विमानस्थल प्रमुख राजकुमार क्षेत्रीले बताए ।

उनका अनुसार साढे ११ बजेबाट विमानस्थलमा अन्तर्राष्ट्रिय उडान-अवतरण सुरु हुनेछ ।

विमानस्थल प्रमुख क्षेत्रीका अनुसार विमानलाई ‘पुस ब्याक’ लगाएर हटाइएको हो । विमानलाई रनवेमा ल्याएर पूर्वतर्फको पार्किङ एरियामा लगिएको छ ।