आज विप्लवको बन्द घोषणा,  धनुषामा शून्य प्रभाव

न्यूज ब्यूरो ||
जनकपुरधाम, ४ बैशाख । नेकपा माओवादी कम्युनिष्ट पार्टीले मँगलबार आज जनकपुर लगायत ४ अञ्चल बन्दको घोषणा गरेको छ ।

नेपाल कम्युनिष्ट पार्टी पूर्वी कमाण्डको पूर्व घोषित कार्यक्रम अनुसार मँगलबार जनकपुर, सगरमाथा, कोशी र मेची अञ्चल बन्दको घोषणा गरेका छन् ।

एमाले र माओवादी केन्द्रका सरकारले आफ्नै संविधान र कानुन समेत उलंघन गर्दै नागरिकको अधिकार खोसेको भन्दै बन्दको घोषणा गरेको हो ।

पार्टीका केन्द्रीय सदस्य किरण राई सहित ८ जना नेताहरुलाई पार्टीका बैठक बसिरहेको अवस्थामा गत बर्ष चैत्त ५ गते धनकुटा, हिले बजारबाट गिरफ्तार गरिएको तथा उनीहरुलाई चैत्त २९ गते जिल्ला प्रशासन कार्यालयले निर्दोष साबित गर्दै रिहा गरिएपनि प्रहरीले पुनः गिरफ्तार गरी हिरासतमा राखेको भन्दै विरोध गर्दै आज बन्दको घोषणा गरेको हो ।

सरकारले आफैँले आफ्नो संविधान, कानुन र न्यायिक निकाय समेतको धज्जीया उडाएको तथा देशलाई जबरदस्ती द्धन्द्धतिर धकेलिरहेको भन्दै बैशाख ४ गते बन्द गर्ने निर्णय गरेको थियो ।

बन्दको पूर्व सन्ध्यामा मशाल जुलुस प्रर्दशन गरेको थियो भने आज बन्दको घोषणा गरेपछि पूर्वबाट चल्ने सवारी सधान, कलकारखाना, शैक्षिक सँस्थान पूणरुपमा ठप्प रहेका छन् ।

यता, धनुषामा भने बन्दको शून्य प्रभाव देखिएको छ । विप्लवले बन्दको घोषणा गरेपनि जनकपुर लगायत अन्य ठाउँमा भने सवारी साधन, कलकारखाना, शैक्षिक सँस्थान, पसल, बजार भने निर्वाध रुपमा चलिरहेको छ ।