धनुषाः गणेश पूजामा वक्तृत्वकला र साँस्कृतिक नृत्य प्रतियोगिता

न्यूज ब्यूरो, जनकपुरधाम । धनुषा जिल्लाको रघुनाथपुरस्थित गणेश पूजाको अवसरमा बालबालिकाहरुलाई वक्तृत्वकला र नृत्यकला प्रतियोगिता गराईएको छ ।

सबैला नगरपालिका वडा नम्बर १२ रघुनाथपुरस्थि आयोजना गरिएको गणेश पूजाको अवसरमा स्कूले बालबालिकाहरुलाई वक्तृत्वकला प्रतियोगितासहित साँस्कृति नृत्यकला प्रतियोगिता गराइएको हो ।

गणेश पूजा समिति रघुनाथपुरद्धारा आयोजित सो प्रतियोगिताको क्रममा “मानव जीवनमा विज्ञान र प्रविधिको महत्व” शिर्षकमा गराइएको वक्तृत्वकला प्रतियोगितामा शुभसनराईज बोर्डिँग स्कूलका विद्यार्थी करण राउतले प्रथम स्थान ल्याए भने रघुनाथपुरस्थित रहेको ईन्टरनेश्नल चिल्ड्रेन ईङगलिस बोर्डिङग स्कूलका निरज राउतले दोस्रो स्थान प्राप्त गरेको हो । वक्तृत्वकलामा प्रथम, दोस्रो र तेस्रो हुनेलाई मेडल, सम्मान पत्र प्रदान गरिएको थियो ।

गणेश पूजा समितिका अध्यक्ष दिप शरण यादवको अध्यक्षता एवम् सबैला नगरपालिकाका नगर प्रमुख कारीराम यादवको प्रमुख आतिथ्यमा सम्पन्न सो प्रतियोगितामा आफ्नो कलासँस्कृतिसँग सम्बन्धित नृत्यकला प्रतियोगितामा ईन्टरनेश्नल चिल्ड्रेन ईङगलिस बोर्डिङग स्कूलका विद्यार्थीहरुले स्थानीयहको मन जित्न सफल भएको थियो ।

सो क्रममा कुनै पुरस्कारको व्यवस्था नभएपनि सो स्कूलका छात्रछात्राहरुले दर्साएको साँस्कृति नृत्यले अतिथिहरुको मन मोहेको थियो । सहभागीहरुले सो स्कूलका विद्यार्थीहरुको खुलेर प्रशँसा गरेको थियो ।

प्रतियोगिताको क्रममा वडा नम्बर १२ का वडाध्यक्ष रामनारायण अधिकारी र वडा नम्बर १३ का वडाध्यक्ष देवनारायण महतोको विशेष उपस्थिति रहेको थियो ।