स्कूलबाट आफैँ भाग्दा बालकलाई लागेको थियो चोट, करेन्ट लगाएको भन्दै 'ब्लैकमेल'

न्यूज ब्यूरो, जनकपुरधाम । धनुषा जिल्लाको तिनकोरियास्थित रहेको केसी विद्या मन्दिरबाट एक विद्यार्थी घर भाग्न खोज्दा लागेको चोटलाई शिक्षकले यातना दिएको भन्दै ब्लैकमेल गर्न थालेको छ ।

धनुषा जिल्लाको विदेह नगरपालिका वडा नम्बर ६ तिनकोरिया चोकस्थित रहेको केसी विद्या मन्दिर (स्मार्ट) मा अध्ययनरत एक विद्यार्थीले होस्टेलबाट भाग्न खोज्दा हातमा चोट लागेको र सो चोटलाई शिक्षकले करेन्ट लगाएको भन्दै विद्यालयसँग ब्लेकमेल गरी रुपैयाँ उठाउन थालेका छन् ।

हातमा समान्य चोट लागेको धनुषाको कमला नगरपालिका वडा नम्बर २ माचि झिटकैया बस्ने विशेश्वर महतोको अन्दाजी बर्ष ९ को छोरा गणेश कुमार महतोले स्कूलबाट कैयौँ पटक भागेका थिए । गत बुधबार पनि भाग्न खोज्दा हातमा समान्य चोट लागेपछि करेन्ट लगाएको भन्दै ब्लैकमेल गर्न थालेको विद्यालय प्रशासनले जनाएको छ ।

हातमा मात्र खरोच आएको महतोले जनकपुरमा उपचार गराउँदै रगत सम्म चेकअप गराउन लगाएको थियो । तर त्यसमा केही नआएपनि पुनः विभिन्न ठाउँमा उपचार गर्न लगाई जथाभावी पैसा असुल्न खोजेको आरोप विद्यालयका प्रिन्सीपल जीतेन्द्र साहले बताए ।

विद्यालय प्रशासनले यसअघि नै कुनै पनि शिक्षकले कुटपिट नगरेको तथा आफू होस्टेलबाट भागेको कुरा अभिभावकबाट लुकाउने उदेश्यले निराधार आरोप लगाएको साहले बताएका थिए ।

होस्टेलबाट कैयौँ पटक भागेका गणेश बुधबार पनि तेस्रो तल्लाबाट तार समातेर, रोड समातेर बाहिरैबाट भाग्न खोज्दा उनको हातमा चोट लागेको सिसिटिभी क्यामेरामा देखिएको छ ।

गणेशका अभिभावकले विद्यालयसँग पटक पटक रुपैयाँ माग्न थालेपछि उनलाई विद्यालयबाट पनि निकालिएको हो । स्थानीयहरुका अनुसार, ती बालक बदमास खालका रहेका छन् ।