धनुषाको बीरेन्द्रबजारमा नेकाँले पनि फुके राष्ट्रपति भण्डारीको पुतला

न्यू ब्यूरो, जनकपुरधाम । देशको ठुलो राजनीतिक दल एवम् वर्तमान सरकारका सत्तारुढ दल नेपाली काँग्रेसले राष्ट्रपतिको पुतला दहन गरेको छ ।

नेपाल नागरिकता ऎन २०६३ लाई संशोधन गर्न बनेको नेपाल नगरिकता पहिलो संशोधन विधेयक रास्ट्रपतिबाट फिर्ता भएपछि नेपाली काँग्रेस धनुषा निर्वाचन क्षेत्र नम्बर १ ले धनुषाको बीरेन्द्रबजारमा राष्ट्रपतिको पुतला दहन गरेको छ ।

नागरिकता विधेयक प्रमाणीकरण नगरी फिर्ता पठाएपछि राष्ट्रपति भण्डारीको सो कदमलाई रास्ट्रघाती कदम भन्दै उनको निर्णय विरुद्ध व्यापक विरोध भइरहँदा नेपाली काँग्रेसले समेत विरोध स्वरुप पुतला दहन गरेको हो ।

पूर्वपश्चिम राजमार्ग अन्तर्गत बीरेन्द्र बजारमा मंगलबार साझ ५ बजे भण्डारीको पुतला दहन कार्यक्रम गरिएको कार्यवाहक सभापति जगतसुन्दर साहले बताए ।

राष्ट्रपति भण्डारीले नागरिकता विद्येयक २०७९ लाई पुर्नविचारको लागि पठाएपछि उनको चर्को विरोध भएको छ । अन्य विभिन्न दलहरुले समेत उनको पुतला जलाएको हो ।