कमला युवा सँजालले आफ्नै भवन निर्माण गर्ने

न्यूज ब्यूरो, जनकपुरधाम । धनुषाको कमला नगरपालिकास्थित रहेको युवाहरुको समूह कमला युवा सँजाल नामक क्लबले आफ्नै भवन निर्माण गर्ने भएको छ ।

शनिबार कमला युवा सँजालका सचिव चन्द्रदीप यादवको अध्यक्षतामा कमला नगरपालिका वडा नं. ९ स्थित बसेको बैठकबाट भवन निर्माणसहित अन्य ५ वटा निर्णयहरु गरेको हो ।

पदाधिकारी तथा सदस्यहरुको विशेष उपस्थितमा सँजालले आफ्नै भवन निर्माण गर्ने, नगरपालिकाको प्रत्येक विद्यालयलाई समेटेर बिधालय स्तरीय हाजिरी जबाफ प्रतियोगिता गराउने, आउँदो ६ महिनाको भित्रमा कमला नगरपालिकामा वडा स्तरीय क्रीकेट र फुटबल टुर्नामेन्ट गराउने निर्णयहरु गरेको छ ।

यस्तै, संजालको सदस्यता आउँदो भदौ १५ गते सम्म अनिवार्य लिई सक्नु पर्ने र बैंकमा संजालको संयुक्त खाता खोल्ने, नगरपालिका स्तरीय १५ सदस्य शिक्षा संघर्ष समिती गठन गरी अन्य समाजिक स्तरमा रहेको समस्याको पहिचान गरिएको तथा पहिचान गरेको समस्याको समाधानको लागि उपायहरु सहित ग्राउण्ड तहबाट समाधानको प्रयास गर्ने निर्णय गरेको हो ।

कमला नगरपालिकाभित्र हुने बेतिथि विरुद्धको अभियान, समाजिक कार्यको अभियानमा कमला युवा सँजाल निरन्तर प्रयासरत रहँदै आएको छ ।