धनुषासागर र धनुषमन्दिर सौन्दर्यीकरण अभियानका अभियानीलाई स्थानीय व्यावसायीहरुले दिए पोशाक

न्यूज ब्यूरो, जनकपुरधाम । जनकपुरधामसँग जोडिएको पवित्र स्थल धनुषाधामस्थित धनुषबाबाको मन्दिर र ऐतिहासिक धनुषसागर पोखरी सफाइ अभियानका अभियानीहरुलाई पोशाक प्रदान गरिएको छ ।

धनुष सागर पोखरी र धनुष मन्दिर सौन्दर्यकरण तथा सरसफाइ अभियानमा हातोमालो गर्दै धनुषाधामका स्थानीय व्यावसायीहरुले अभियानीहरुको लागि भेस्ट र ट्रयाक प्रदान गरेको हो ।

स्थानीय युवाहरुको अगुवाईमा धनुषाधामस्थित रहेको धनुष सागर र धनुष मन्दिर क्षेत्र सौन्दर्यीकरणको लागि अभियानमा स्थानीय व्यपारी हंस हार्डवेयर धनुषाधाम १० थान ड्रेस, बाबा बिश्वकर्मा आईरण स्टोर बर्जर पेन्ट डिलर धनुषाधामद्धारा ५ थान ड्रेस सेट, नवरंग होटल धनुषाधामद्धारा ५ थान ड्रेस सेट ,कुशवाहा जेनरल स्टोर धनुषाधामद्धारा ५ थान ड्रेस सेट र आयुष इलेक्ट्रिक धनुषाधामद्धारा ५ थान भेस्ट सेट सहयोग गरिएको हो ।

व्यावसायिक दृष्टिकोणले समेत धनुषाधाम बजार पछाडी परेको अवस्थामा तथा धनुषाधामको मूल अस्तित्व फिर्ता ल्याउन अभियानीहरुको अभियानलाई सराहना गर्दै स्थानीय व्यावसायीहरुले अभियानीहरुलाई हातोमालो गरेका छन् ।

पोखरी सफाई र धनुषाधाम बजार तथा मन्दिर क्षेत्र सफाईको लागि नित्यदिन स्थानीय व्यावसायी, युवा, विद्यार्थी, समाजसेवी, बुद्धिजीवी, सुरक्षाकर्मीहरुले सफाई अभियान जारी राखेको हो ।

साउन मसान्तभित्रै धनुषसागर पोखरी पूर्ण सफाई गरी पुरानो पहिचान दिलाउने पथमा युवा अभियानीहरु लागेका छन् । सो पोखरीमा नुहाउँदा मुसो रोग (अईल्हा) निको हुने जनविश्वास छ ।