प्रहरीले पोखरीबाट घेरा हालेर समाते मोटरसाईकल चोर, चोरेर राखे थियो दुईटा मोटरसाईकल

न्यूज ब्यूरो, जनकपुरधाम । मधेश प्रदेशस्थित नेपाल प्रहरीले मोटरसाईकल चोरलाई पोखरीबाट रँगेहात पक्राउ गर्न सफल भएको छ ।

मधेश प्रदेशको महोत्तरी जिल्लास्थित रामगोपालपुर प्रहरीले भारतबाट चोरेर ल्याएको दुई थान मोटरसाईकल सहित एक चोर समातेको छ ।

गोप्य सुचनाको आधारमा रामगोपालपुर नगरपालिका ५ स्थित विशम्भरपुर जाने बाटोमा पर्ने मन्दिरबाट प्रहरीले चोर समातेको हो ।

मोटरसाईकल चोरेर ल्याएर मन्दिरकै छेउमा रहेको झाडीमा लुकाएको अवस्थामा गोप्य सुचना पाएपछि चोर समात्न गएको प्रहरीलाई देखेर एक चोर भागेको र अर्को सोहि ठाउ स्थित पोखरीमा हाल फालेकोमा प्रहरीले आधा घन्टा लगाई पोखरीको चारैतिर घेरा हालेर चोर समातेको हो ।

सोहि ठाउँ वस्ने पटके चोर लक्ष्मी मण्डल प्रहरीलाई देखेर पोखरीमा हालफालेकोमा प्रहरीले उनलाई समातेको थियो ।

चोर सहित समातिएको बिआर ३० यु २४२ नम्बरको मोटरसाईकल र अर्को अनटेस्ट रहेकोमा चोर सहित चोरेर ल्याइएको मोटरसाईकल आवश्यक कार्यवाहीको लागि जिल्ला प्रहरी कार्यालय बुझाइएको रामगोपालपुर प्रहरी चौकी ईन्चार्ज वरिष्ट सई आदित्य सिंहले बताए ।

उनले पक्राउ परेका मण्डल पहिले पनि मोटरसाईकल चोरीकै मुद्दामा थुनामा रहेकोमा भरखरै धरौटीमा छुटेर आएको बताए ।

यता, रामगोपलपुर प्रहरीले गत सातामात्र थप एक चोरलाई मोटरसाईकल चोर्दै गरेको अवस्थामा रामगोपालपुर नगरपालिका अगाडी जलेश्वर बर्दिवास सडकबाटै समातेको थियो ।

गत २१ गते प्रहरीले मोटरसाईकलको लक तोडिसकेको अवस्थामा रामगोपालपुर ९ अगलेसरा वस्ने २३ वर्षिय जंग वहादुर ठाकुरलाई नियन्त्रणमा लिएका थिए ।

ठाकुर समेत पटके चोर रहेको र एक दिन पुर्वमात्र धरौटीमा छुटेर आएका थिए ।