Close This

जनकपुरधामका जनप्रतिनिधि र कर्मचारीले साउन देखि साइकल चड्ने

२०७९ असार २४ शुक्रबार
रति ८:३० बजे
न्यूज ब्यूरो, डेस्क

न्यूज ब्यूरो, जनकपुरधाम । मधेश प्रदेशको राजधानी जनकपुरधामका जनप्रतिनिधि र कर्मचारीले पेट्रोलियम पदार्थको खपत घटाउन प्रत्येक शुक्रबार साइकल चढ्ने भएका छन् । जनकपुरधाम उपमहानगरपालिकाका जनप्रतिनिधि र कर्मचारीले शुक्रबारका दिन साइकल चढ्ने भएका छन् ।

पेट्रोलियम पदार्थको खपत घटाउनका लागि हप्ताको एक दिन सबैले साइकल चढ्ने भएका हुन् । उपमहानगरपालिकाका उप मेयर किशोरी साहले यो निर्णय आगामी साउन महिनादेखि कार्यान्वयन हुने बताए ।

उपमहानगरपालिकाको नगर सभाले यस्तो निर्णय गरेको उनले बताए । साउन महिनादेखि प्रत्येक शुक्रबार मेयर, उप मेयरदेखि सबै जनप्रतिनिधि र कर्मचारी कुनै कामका लागि कार्यालय आए साइकलमै आउनुपर्छ’ उनले भने, ‘त्यस दिन कार्यालय आउँदा अन्य सवारी चलाउन पाइने छैन ।’

उनले पेट्रोलियम पदार्थको खपत घटाउन, पर्यावरणलाई सफा राख्न र शरीरका लागि पनि राम्रो हुने भएकाले हप्ताको एक दिन साइकल चढ्ने निर्णय भएको बताए ।

प्रमुख प्रशासकीय अधिकृत प्रधुम्न प्रसाद उपाध्यायले शुक्रबार नै आफ्नो कोठाबाट साइकल चढेर कार्यालयसम्म पुगेका छन् ।

उनले उपमहानगरपालिकाको नीति अनुरुप आफू कोठादेखि २ किलोमिटर टाढा रहेको कार्यालयसम्म साइकलमै आएको भन्दै फेसबुकमा फोटो पोष्ट गरेका छन् ।

उनले प्रत्येक शुक्रबार साइकल चलाउन सबै जनकपुरबासीलाई हार्दिक आह्वान समेत गरेका छन् ।


  • 72%
  • 9%
  • 3%
  • 4%
  • 3%
  • 1%

न्यूजब्यूरोको प्रभावः जन्मदिनमा श्रीमतिलाई नोकरी उपहार दिने प्रअमाथि छानबिन सुरु

  • २०७९ असार २४ शुक्रबार

न्यूज ब्यूरो, जनकपुरधाम । मधेश प्रदेशको एक सरकारी विद्यालयमा हेडमास्टरले श्रीमतिको जन्मदिनमा नोकरी उपहार दिएको समाचार प्रभावले अख्तियार छानबिन सुरु गरेको छ ।  मधेश प्रदेशको राजधानी जनकपुरधामस्थित देखि केही दुरीमा रहेको

पूरा पढ्नुहोस्

Bureau Menus