थर्ड क्लास सिँगर सन्नु कुमार खँगको 'चुम्मा' बाला गीतमा Report गरेपछि युटुबले गर्यो Delete

न्यूज ब्यूरो, जनकपुरधाम । मधेशमा तेस्रो दर्जाभन्दा पनि तल झरेका आफूलाई गायक मान्ने सप्तरीका सन्नु कुमार खँगको एक गीतलाई युटुबले डिलिट गरिदिएको छ ।

तेस्रै दर्जाभन्दा तल झरेकी र आफूलाई गायक मान्दै आएकी महोत्तरीकै सुमन सोना नामक युवतिलेसमेतले गाएकी ती गीतमा शब्दहरुको कारण युटुबले डिलिट गरिदिएको छ ।

केही दिनअघि युटुबमा राखिएको “एक बेर, दुई बेर, तीनबेर, चारबेर, पाँच बेर चुम्मा लेलकै रे” गीत युटुबमा सार्वजनिक भएको थियो । सो गीतमा टिकटक बैन अभियान र अश्लिलता विरुद्ध उत्रेका युवाहरुले निरन्तर रिपोर्ट हानेपछि सो गीतलाई युटुबले हटाएको हो ।

उनी दुई जनाले गाउने गीतमा प्रयोग गरिएको शब्दले दुवै जनालाई घटिया गायकको सँज्ञा पनि दिने गरिएको छ । युवाहरुले उनीहरुलाई लक्षित गरी उनीलाई डिजिटली बैन गर्ने अभियानमा लागेका छन् ।

यसअघि भोजपुरी गीतलाई मात्र अश्लिल मानिदैँ आएकोमा अहिले मैथिली भाषाको गीत सबभन्दा बढी भद्दा गरिएको छ । मैथिली भाषालाई निरन्तर प्रहार र भद्दा बनाउन सन्नु कुमार खँग, सुमन सोना, ज्ञानु यादव , धर्मेन्द्र निरमलिया नामक चौथो दर्जाका सिँगरहरु लागि परेका छन् ।

कुनै बेला मैथिली विश्वको सबभन्दा मिठो भाषा मानिएपनि अहिले ती तेस्रो दर्जाका गायकहरुले भाषालाई नराम्रो चुनौति दिएका छन् । युटुबबाट केही पैसा कमाउने लोभ उनीहरुले यहाँको सँस्कार, सँस्कृतिलाई धज्जिया उडाउन थालेपनि कोही निकाय वा जागरुक युवाहरुले नै केही गर्न सकेका छैनन् ।

भोजपुरी गीत नाम मात्रको लागि बदनाम भएपनि अहिले मैथिली भाषाको यीनीहरुले गाउने गीत परिवारसँग बसेर सुन्न सक्ने अवस्था देखिदैनन् । गन्दा शब्दहरु, अन्तरँग शब्दहरु राखेर दिनहुँ खुल्ला, छाडा शब्दहरुले यहाँको समाजलाई निकै लज्जित तुल्याएको छ ।

उनीहरुले गाउने गीतमा यसरी नै निरन्तर रिपोर्ट गरिए उनीहरुको गन्दाको पसल बन्द हुने सँकेत पनि यो भिडियो डिलिटपछि देखाएको छ ।