मोसा दुर्घटनामा परी मृत्यू भएका मण्डल परिवारलाई गैर आवासीय मधेशी सँघको आर्थिक सहयोग

न्यूज ब्यूरो, जनकपुरधाम । मोटरसाईकल दुर्घटनामा परी ज्यान गुमाएका एक युवकको परिवारलाई आर्थिक सहयोग गरिएको छ ।

धनुषा जिल्लाको कमला नगरपालिका वडा नम्बर ३ स्थित लगमास्थित बस्ने रुपचन मण्डलको मोटरसाईकल दुर्घटनामा परी ज्यान गएपछि उनलाई आर्थिक सहयोग गरिएको हो ।

शुक्रबार गैर आवासीय मधेशी सँघ साउदी च्याप्टरका सदस्यहरुले उनको घरमा पुगेर ५० हजार रुपैयाँ सहयोग गरेको हो । अकालमै ज्यान गुमाएका मण्डलको परिवार पाल्ने उनी मात्र थिए ।

उनलाई गैर आवासीय मधेशी संघ साउदीका सदस्य गोपाल मण्डलले ५० हजार सहयोग गरेका हुन।

सो रकम विदेशबाट पठाएपछि गोपालका बुबा राजलाल मण्डलले ज्यान गुमाएका मण्डलको श्रीमती केबली देवी मण्डललाई प्रदान गरेको हो ।

उक्त रकम जनमत पार्टीका केन्द्रिय सदस्य रेखा मण्डल, पार्टीका युवा नेता गुड्डु यादवलगाइतको नेता कार्यकर्ताहरुको उपस्थितिमा ५० हजार आर्थिक सहयोग गरेको हो।

गैर आवासीय मधेशी संघले गरिब ,अपांग ,वैदेशिक रोजगारीको क्रममा ज्यान गुमाएको परिवारहरुलाई आर्थिक सहयोग गर्दै आइरहेको छ।