मेची–महाकालीको मधेस प्रदेश सह–संयोजकमा रमा काफ्ले मनोनीत

न्यूज ब्यूरो, सर्लाही । मेची महाकाली बुहारी संयुक्त आवाज मधेस प्रदेशको सह–संयोजकमा सर्लाही शाखाका पुर्व संयोजक रमा काफ्ले लाई मनोनीत गरिएको छ ।

आवाजको केन्द्रिय कार्यालयले एक प्रेस विज्ञप्ति जारी गर्दै उक्त जानकारी दिएको हो ।

मेची महाकाली बुहारी संयुक्त आवाजका केन्द्रिय अध्यक्ष यमु शर्मा सुब्बाले जारी गरेको प्रेस विज्ञप्तिमा रमा काफ्ले लाई मिति २०८९ जेठ २२ गतेदेखी लागु हुने गरी प्रदेश सह ( संयोजकका जिम्मेवारीमा मनोनीत गरिएको जानकारी गराउन पाउदा खुशी लागेको भनिएको हो ।

यहाँले निभाउने नेतुत्वदायी भुमिकाले सामाजिक क्षेत्रमा यस संस्थाको गति र गरिमालाई थप नयाँ उचाईमा पुर्याउने विश्वास लिएको छु, उनी लेख्छिन ।

“प्रदेश २ अन्तर्गतका सबै जिल्ला संयोजकहरु संग सौहादपुर्ण सहकार्य गर्दै सबैको भावनालाई समेटी अगाडी बढनु हुनेछ भन्ने अपेक्षा लिएको छु ।”

उहाँको नेतुत्वमा गठन भएको २ बर्ष नबित्दै बालविवाह, बलात्कार, घरेलु महिला हिंसा लगायतका ५ सय भन्दा बढी हिंसाका घटनामा सर्लाही शाखाले काम गर्न सफल भएको हो ।

सर्लाहीको लालबन्दी नगरपालिका वडा नम्बर ७ निवासी रमा काफ्ले यस अघि मेचीमहाकाली को सर्लाही संयोजक का रुपमा कार्यरत थिइन। उहाँ विगत लामो समयदेखी जिल्लामा महिला तथा बालबालिकाका क्षेत्रमा क्रियाशिल भएर कार्य गर्दै आएकी छिन ।

आवाजको शाखा सर्लाहीमा वि.स. २०७७ असोज १५ गते २१ सदस्यीय सहित कार्यसमिति गठन भई माघ १३ गते जिल्ला प्रशासन कार्यालय, सर्लाहीमा कानुनी रुपमा दर्ता भएको थियो ।