कार्यपालिकाको बैठकलाई लाईभ गर्ने पद्धती सबै पालिकामा हुनुपर्छः अधिकृत ठाकुर

न्यूज ब्यूरो, जनकपुरधाम । धनुषाको कमला नगरपालिकाका प्रमुख प्रशासकीय अधिकृत सुबोध कुमार ठाकुरले कार्यपालिकाको बैठकको लाईभ गर्ने पद्धती अन्य पालिकाहरुमा अनुसरण हुनुपर्ने बताएका छन् ।

काठमान्डौँका नव निर्वाचित मेयर बालेन्द्र साहले कार्यपालिकाको बैठक सम्पूर्ण नागरिकलाई देखिने गरी प्रत्यक्ष प्रसारण गर्ने प्रथम निर्णय गरेपछि अधिकृत ठाकुरले सोही पद्धती अन्य पालिकाहरुमा हुनुपर्ने धारणा राखेका छन् ।

समाजिक सँजाल फेसबुकमा उनले “बालेन साहको कार्यपालिकाको सबै बैठक लाइभ गर्ने प्रथम निर्णय अति नै सराहनिय हो। सरकारले यस पद्धतिलाई सबै पालिकाले अनुशरन गर्नुपर्ने बाध्यात्मक कानुनी व्यवस्था नै गर्नु पर्छ। यसबाट सुशासन कायम हुन अति नै सहयोग हुन्छ।” लेखेका छन् ।