फटहागिरी र दलाली गर्नेलाई तह लगाउँछौँ : कानुनमन्त्री यादव

न्यूज ब्यूरो ||
जनकपुरधाम, २३ चैत्त । प्रदेश नं. २ का आन्तरिक मामिला तथा कानुन मन्त्री ज्ञानेन्द्र कुमार यादवले प्रदेश सरकार जनतालाई सुशासन, शान्ति सुरक्षाको ग्यारेण्टी दिन तयार रहेको बताएका छन् ।

धनुषामा केही दिन यता समाजिक अपराध मौलाउदै गएकोले अपराधीहरुसंग नडराई प्रहरी प्रशासनमा आवश्यक सहयोग लिदै आफ्नो अधिकारको सुनिश्चितताका लागि अगाडी बढनुपर्ने बताएका हुन् ।

धनुषा शहिदनगर नगरपालिका वडा नं. ८ बिसरभोरामा आयोजित जनताको कचहरीमा स्थानियद्वारा शिक्षामा रहेको अनियमितता, बलत्कार, भ्रष्टाचार, घरेलु हिंसा, महिला हिंसा तथा स्थानिय प्रशासनको कामकारवाहीको विषयमा सबै जनताले जान्नुपर्ने र चित्त नबुझे गुनासो गरेर काम र कर्तव्यमा जिम्मेवारी बोध गराउनुपर्ने बताएका छन् ।

जनताको कचहरीमा समूदायका व्यक्तिहरुले राखेको जिज्ञासलाई सम्बोधन गर्दै आन्तरिक मामिला तथा कानुन मन्त्री ज्ञानेन्द्र कुमार यादवले भने भ्रष्टाचार, दलाली, फटहागिरी, उत्छृङखल गतिविधि गर्नेलाई तह लगाउँछौं : प्रदेश कानूनमन्त्री यादव – “हामीले अध्ययन गर्दै आएको शिक्षा प्रणाली राम्रो नभएकोले अब प्रदेश सरकार प्राविधिक शिक्षा प्रणालीको विकास तिर ध्यान केन्द्रित गर्दैछ, गुणस्तरीय तथा सिपमुलक शिक्षा प्रणालीको विकास नभए सम्म समाजको विकास सम्भव छैन ।” आजको न्यूजपेपर दैनिक पत्रिकामा छापिएको छ ।

उनले प्रदेश नं. २ को ८ वटै जिल्लामा कही कतै भ्रष्टाचार, दलाली, फटहागिरी, उत्छृङखल गतिविधि गर्दै आएको पाईएमा तत्काल सम्बन्धित मन्त्रालय तथा कार्यालयमा खबर गरी आफ्नो जिम्मेवारी पूरा गर्न जनतालाई आग्रह गरे ।

उनले भने – मलाई यहाँको विकास सम्बन्धमा सबैकुरा थाहा छ, १० लाखको विकासमा १० ट्रीप माटो पनि खस्दैन, तर हामी चुप लगाएर बसी रहेका हुन्छौ, यस्ता अब छाडिने छैन, कारबाही कठघारमा उभिएर त्यस्ता भ्रष्टाचारी र दलाललाई जवाफ दिनुपर्छ । ”

मन्त्री यादवलाई स्थानीयले आफुहरुले नौ महिना सम्म समाजिक सुरक्षा भत्ता नपाएको गुनासोलाई सम्बोधन गर्दै उनले वृद्ध–वृद्धाहरुको लागि एउटा आशाको रकम भनेको समाजिक सुरक्षा भत्ता रहेको र त्यसलाई ९ महिना सम्म नदिईनु नियम संगत नरहेकोल आफुले मन्त्रीपरिषदको बैठकमा कुरा उठाउने आश्वासन दिए ।

आन्तरिक मामिला तथा कानून मन्त्रीका स्वकिय सचिव महेश राय यादवको उदघोषणमा भएको कार्यक्रममा कार्यक्रममा प्रदेश सांसद श्रीमति चमेली देवी दास सहितका व्यक्तिहरुले बोलेका थिए भनेर आजको न्यूजपेपर दैनिकमा समाचार छ ।