जनकपुरः युवतिलाई ब्लैकमेल गर्ने प्रहरी पक्राउ

न्यूज ब्यूरो, जनकपुरधाम । एक युवतिलाई समाजिक सँजाल मार्फत ब्लैकमेल गर्ने एक प्रहरी जवानलाई प्रहरीले पक्राउ गरी मुद्दा चलाएको छ ।

युवतिलाई समाजिक सँजाल फेसबुकमा साथी बनाएर विभिन्न प्रलोभनमा पारी भिडियो कल, भ्वाईस कल गरी स्क्रीनसट, भिडियो रेकर्ड गरी युवतिलाई परेशान गरेको खवर पाएपछि प्रहरीले पक्राउ गरेको हो ।

पक्राउ पर्नेमा धनुषा जिल्लाको बटेश्वर प्रहरी चौकीमा दरबन्दी रहेका मधेश प्रदेशको रौतहट जिल्ला भवानीपुर गाउँपालिका वडा नम्बर ४ बस्ने बर्ष २७ को कृष्ण कुमार यादवलाई पक्राउ गरिएको हो ।

गत बुधबार उनलाई उजुरीको आधारमा पक्राउ गरी कारवाही प्रक्रिया अगाडी बढाएको हो । एक युवतिलाई फेसबुकमा साथी बनाएर अन्तरँग भिडियोहरु रेकर्ड गरी धाकधम्की र ब्लैकमेल गर्न थालेपछि पीडितले प्रहरीमा उजुरी गरेको थियो ।

युवतिको फोटो भिडियो तानेर उनलाई दुःख दिने, हैरान पार्ने, समाजमा बदनामी गर्ने खालका गतिविधि गर्न थालेपछि विद्युतिय कारोबार ऐन २०६३ बमोजिम उनलाई कारवाही प्रक्रिया अन्तर्गत जिल्ला अदालत काठमान्डौँबाट ५ दिनको म्याद लिएर अनुसन्धान थालिएको हो ।

यस्तै, अर्का एक युवतिको फेक (नक्कली) अकाउण्ट बनाएर अन्तरँग भिडियो तथा तस्विरहरु उनको आफन्तजनलाई पठाएर चरित्र हत्या गरेको आरोपमा मोहम्मद सद्दाम पक्राउ परेका छन् ।

मोरँग जिल्लाको विराटनगर महानगरपालिका वडा नम्बर १७ घर घई हाल धरान उपमहानगरपालिका वडा नं. ३ मा बस्दै आएका ३१ बर्षिय सद्दामले अन्तरँग तस्विरहरु आफन्तजन, साथीभाईलाई पठाएर चरित्रहत्या गरेको आरोपमा विहिबार पक्राउ परेका हुन् ।