जनकनन्दिनी गाउँपालिकाका जनप्रतिनीधिहरुले खाए सपथ, अध्यक्ष–उपाध्यक्ष सोमबार  गर्ने पदभार ग्रहण

न्यूज ब्यूरो, जनकपुरधाम । धनुषाको जनकनन्दिनी गाउँपालिकाका नव निर्वाचित जनप्रतिनीधि एवम् पदाधिकारीहरुले सपथ खाएका छन् ।

विहिबार दिउँसो जनकनन्दिनी गाउँपालिकाको कार्यालयमा आयोजना गरिएको सपथ ग्रहण कार्यक्रममा नव निर्वाचित जनप्रतिनीधिहरुले पद तथा गोपनीयताको सपथ लिएका छन् ।

गाउँपालिका अध्यक्ष दिपिनदेव यादव र निर्वाचन अधिकृतले सँयुक्त रुपमा नव निर्वाचित पदाधिकारीहरुलाई पद तथा गोपनीयताको सपथ खुवाएको हो ।

गाउँपालिका अध्यक्ष दिपिन देव यादव

गत बैशाख ३० गते सम्पन्न आसन्न स्थानीय तह निर्वाचनको मतपरिणाम घोषणा भएसँगै निर्वाचित भएका नयाँ जनप्रतिनीधिहरुले पाँच बर्षे कार्यकालको लागि पद तथा गोपनियताको सपथ लिएको गाउँपालिकाका प्रशासन प्रमुख राम नरेश ठाकुरले जानकारी दिए ।

गाउँपालिका उपाध्यक्ष कमला सहगल

गाउँपालिका अध्यक्ष दिपिन देव यादव र उपाध्यक्ष कमला सहगलबाहेक सबै वडाका वडाध्यक्षहरुले भोली शुक्रबार नै पदभार ग्रहण गर्ने कार्यक्रम रहेको प्रमुख प्रशासकीय अधिकृत अयोधी दासले जनाए ।

गाउँपालिका अध्यक्ष यादव र उपाध्यक्ष सहगलले आउँदो सोमबार अर्थात जेठ १६ गते मात्र पदभार ग्रहण गर्ने कार्यक्रम रहेको जनाइएको छ ।

प्र.प्र. अधिकृत अयोधी दास (बाँया) र प्रशासन प्रमुख रामनरेश ठाकुर (दाँया)