ओली सरकार विरुद्ध उत्रिए यी चार पार्टी,  दिए यस्तो च्यालेन्ज !

न्यूज ब्यूरो ||
जनकपुरधाम, २२ चैत्त । भूमिगत समूह विप्लव सहित ४ कम्युनिष्ट पार्टीले सरकार विरुद्ध आन्दोलनका घोषणा गरेका छन् ।

नेपाल कम्युनिस्ट पाटीका अध्यक्ष ऋषि कट्टेल, प्रवक्ता प्रकाण्ड, क्रान्तीकारी माओवादीका महासचिव मोहन बैद्य किरण र मसालका महामन्त्री मोहन विक्रम सिँहले सँयुक्त रुपमा ओली सरकार विरुद्ध आन्दोलन गर्ने जनाइएको छ ।

सरकारले शान्तीपूर्ण संगठन, भेला र संघर्षमा दमन गरेकोमा त्यसको विरोध र भत्र्सना सहितको आन्दोलनका कार्यक्रमहरु सार्वजनिक गरेका छन् ।

हिजो बुधबार चारै कम्युनिष्ट पार्टीहरुको सँयुक्त बैठकबाट गरिएको विरोधका कार्यक्रमहरु सँयुक्त प्रेस विज्ञप्ति जारी गरी सार्वजनिक गरेका हुन् ।

नेपालको क्रान्तीकारी कम्युनिस्ट आन्दोलनलाई एकताबद्ध गर्ने आधार तयार पार्न छलफल तथा बहसलाई अगाडी बढाउने , राष्ट्रियता, जनतन्त्र र जनजीवनका सम्बन्धि परस्पर सहमति भएका विषयहरुमा कार्यगत एकता गरी सँयुक्त संघर्ष गर्न सहमत हुँदे विरोध र सँघर्षका कार्यक्रमहरु सार्वजनिक गरिएको हो ।

यस्तो छ प्रेस विज्ञप्ति

नेपालको प्रधानमन्त्रीको आसन्न भारत भ्रमणका क्रममा यसभन्दा अगाडी नेपाल भारतबीच भएका राष्ट्रियहित विपरितका सबै असमान सन्धि सम्झौताहरु कार्यन्व्यन गर्ने कुराको विरोध र भत्सर्ना गर्ने , आउँदो चैत्त २४ गते प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीले नेपालको अरुण तेस्रो जलविद्युत परियोजनाको भारतको दिल्लीबाट सँयुक्त रुपमा शिलान्यास गर्ने कुराको विरोध गर्दै काठमान्डौँमा सँयुक्त विरोध गर्ने र चार पार्टीको आयोजनामा आगामी बैशाख ३ गते राष्ट्रियता सम्बन्धि अन्तरक्रिया कार्यक्रम गर्ने कार्यक्रम रहेको छ ।