धनुषाधाम नगरपालिकामा दोस्रो पटक मेयर मण्डल र उपमेयर भुजेल निर्वाचित

न्यूज ब्यूरो, जनकपुरधाम । धनुषाको धनुषाधाम नगरपालिकाको मेयर उपमेयरमा दोस्रो पटक बालेश्वर मण्डल र विद्या देवी भुजेल निर्वाचित भएका छन् ।

विहिबार सम्पनन अन्तिम मतगणना अनुसार मेयर पदको लागि नेपाली काँग्रेसबाट बालेश्वर मण्डल र उपमेयरमा काँग्रेसकै विद्या देवी भुजेल निर्वाचित भएको हो ।

गत बैशाख ३० गते भएको स्थानीय तहको निर्वाचनमा मतपरिणाम आउँदा काँग्रेसका बालेश्वर मण्डलले ४७१८ मत ल्याएर निर्वाचित भएका छन् भने उपमेयरमा बिद्या देवी भूजेलले ४७५८ मत ल्याएर निर्वाचित भएकी हुन् ।

मेयरमा निर्वाचत मण्डलको निकटतम प्रतिद्धन्द्धी एमालेका योग कुमार यादव ४१७९ मत प्राप्त गरेका छन् भने उपमेयर तर्फ प्रतिद्धन्द्धी एमालेकी शान्ती देवी सुडिनले ३९३३ मत प्राप्त गरेकी हुन् ।

गत २०७४ सालको स्थानीय तहको चुनावमा पनि बालेश्वर मण्डल र विद्या देवी भूजेल निर्वाचित भएको थियो ।