कमला वडा नं. ४ बाट पनि ढल्यो रामचन्द्र झाको किल्ला, नेपाली काँग्रेसका गोहिवार निर्वाचित

न्यूज ब्यूरो, जनकपुरधाम । धनुषाको कमला नगरपालिकाको वडा नम्बर ४ बाट पनि नेपाली काँग्रेसका उम्मेदवार निर्वाचित भएका छन् ।

वडा नम्बर ४ बाट वडाध्यक्ष पदका उम्मेदवार दिपक गोहिवारले ६२५ मत ल्याएर निर्वाचित भएका छन् । निवर्तमान वडाध्यक्ष समेत रहेका पल्टु कवारी ५७२ मत ल्याएका छन् ।

रामचन्द्र झाको किल्ला मानिने वडा नं. ३ को लगमा र वडा नं. ४ को साघारामा किल्ला ढालिएको छ । वडा नं. ३ मा माओवादी र वडा नं. ४ मा काँग्रेसले झाको किल्ला ढालेको हो ।

यस्तै, नगर प्रमुखमा नेपाली काँग्रेसका विशेश्वर यादवले वडा नम्बर ४ बाट ५०२ मत ल्याएका छन् भने उपमेयरबाट शिला देवी मण्डलले ५५१ मत ल्याएकी हुन् ।

यस्तै, नेकपा एकिकृत समाजवादी (कलम छाप) ले मेयरमा ५५९ मत ल्याएका छन् भने उपमेयरमा ५४८ मत ल्याएकी हुन् ।