कमला नगरपालिकाको मेयरमा जसपाको अग्रता कायमै

न्यूज ब्यूरो, जनकपुरधाम । धनुषाको कमला नगरपालिकाको मेयर पदमा जनता समाजवादी पार्टी (जसपा) नेपालबाट पशुपति यादवको अग्रता कायमै रहेको छ ।

कमला नगरपालिका वडा नम्बर १, २, ३ र ९ को मतगणना अनुसार जसपाका पशुपति यादले कुल १८१५ मत ल्याएर अग्रस्थानमा रहेका छन् भने १३५५ मत ल्याएर नेपाली काँग्रेसका विशेश्वर यादव दोस्रो स्थानमा रहेका छन् ।

यस्तै माओवादी तेस्रो स्थानमा रहेका छन् भने एकिकृत समाजवादी चौथो स्थानमा रहेका छन् । वडा नं. १, २ र ३ मा यसअघि जसपाको सरकार रहेको थियो । वडा नं. ९ मा काँग्रेसको सरकार थियो ।

अब वडा नं. ४, ५, ६ र ७ को मतगणना हुन बाँकी छ भने वडा नं. ८ को मतगणना अन्तिम चरणमा रहेकोमा नेपाली काँग्रेस अग्रस्थानमा रहेको छ ।