कमला नगरपालिका वडा नम्बर ३ मा माओवादीको जीत, जसपाको तेस्रो विकेट डाउन

न्यूज ब्यूरो, जनकपुरधाम । धनुषाको कमला नगरपालिकाबाट जसपाले अहिले सम्म तीनवटा वडामा हार बेहोरेका छन् । कमला नगरपालिकाको वडा नम्बर १, २, ३ र ८ मा यसअघि जसपाको सरकार रहेको वडाहरुमा अन्य पार्टीहरुले बाजी मारेका छन् ।

सोह क्रममा कमला नगरपालिकाको वडा नम्बर ३ मा नेपाल कम्यूनिष्ट पार्टी (माओवादीं) ले विजयी हाँसिल गरेको छ । माओावदीका राम भगत यादवले समाजवादी केन्द्रबाट एक मत अधिक ल्याएर विजयी भएका छन् ।

वडा नम्बर ३ मा माओवादीबाट ३८३ मत ल्याएर पर्सा बस्ने राम भगत यादव (भक्ती) एक मतले विजयी भएका छन् । उनले समाजवादी पार्टी (कलम छाप) बाट उम्मेदवारी दिएकी सीता देवी ठाकुरलाई १ मतले पराजित गरेको हो ।

यसअघि वडा नम्बर ३ मा जसपाको सरकार रहेकोमा बर्षौदेखि राजनीतिमा सबै थोक गुमाएका नेता हरिशचन्द्र ठाकुरकी श्रीमति सीता देवी ठाकुरलाई कलम छापबाट वडाध्यक्षमा टिकट दिइएको थियो । उनी मात्र एक मतले पराजित भएकी हुन् । उनी ३८२ मत प्राप्त गरेकी हुन् ।

जनता समाजवादी पार्टी (जसपा) का विशेश्वर यादव सो वडामा ३४२ मत ल्याएर तेस्रो नम्बरमा रहँदै आएका थिए ।

यस्तै, सोही वडामा जनमत पार्टीका मनोज कुमार बनरैत २५९ र नेपाली काँग्रेस २५४ मत प्राप्त गरेको हो ।