कमला नगरपालिका वडा नं. २ बाट पनि वडाध्यक्षमा छत्ताको पत्ता साफ, काँग्रेस विजयी

न्यूज ब्यूरो, जनकपुरधाम । धनुषाको कमला नगरपालिकाको वडा नम्बर २ बाट वडाध्यक्षमा नेपाली काँग्रेसका ठकु यादव विजयी भएका छन् ।

यसअघि जसपा (छत्ता छाप) बाट निवर्तमान वडाध्यक्ष धनेश्वर यादवलाई ठकु यादले १८ मतले पराजित गरेका छन् ।

ठकु यादवले वडा नं. २ मा खसेको कुल २३६० मत खसेकोमा ७६९ मत प्राप्त गरेका छन् भने निकटम प्रतिद्धन्द्धी जसपाका धनेश्वर यादव ७५१ मत प्राप्त गरेका हुन् ।

ठकु यादव धनेश्वर यादव भन्दा १८ मत अधिक ल्याएर विजयी घोषित भएका हुन् । विजयी भएपछि वडा नं. २ को माचि झिटकैया, सराबे, तेलियाहा, बिजुलीया, सुन्दरपुर लगायतको वस्तीमा पुगेर विजयी जुलुस मनाएका छन् ।

यस्तै सदस्यमा जसपाका जीतनारायण यादव र पवन सहनी विजयी भएका छन् । जीतनारायण यादवले ७३५ मत प्राप्त गरी विजयी भएका छन् भने पवन सहनी ७०८ मत ल्याएर विजयी भएका छन् । महिला दलित सदस्यमा काँग्रेसबाट सिरिबती देवी पासवान विजयी भएकी हुन् ।

सो क्रममा एकिकृत समाजवादी (कलम छाप) ४५४ मत प्राप्त गरेका छन् भने जनमत पार्टीबाट सुनिल महतो १३७ मत प्राप्त गरेका छन् । यसअघि उनले ३५० बढी मत ल्याउने दाबी गरेका थिए ।

उनको १३७ मत मात्र आएपनि उनले भोँट बेचेको आशँका उब्जेको छ । कुनै पार्टीसँग उनले भोँट फ्लो गरेको आशंका गरिएको छ ।