धनुषाको कमला नगरपालिकामा चर्को विरोधको बाबजुद मतगणना सुरु

न्यूज ब्यूरो, जनकपुरधाम । पूर्वी धनुषाको कमला नगरपालिकामा चर्को विरोधको बाबजुद भर्खरै मतगणना सुरु भएको छ ।

कमला नगरपालिकाको वडा नम्बर १ र ९ को मतपेटिका खोल्दै मतगणना सुरु गरिएको निर्वाचन अधिकृत धर्मावतार कोईरालाले जानकारी दिएका छन् ।

मतदान केन्द्रबाट आएका मतपेटिका एउटा एउटा गरी मात्र खोल्नुपर्ने अडान राखेका केही पार्टीका प्रतिनीधि तथा स्थानीय जनताहरुले समेत अडान लिएपछि मतगणना प्रभावित भएको थियो ।

सो क्रममा सँचारकर्मीलाई समेत प्रवेश निषेध गरेपछि नागरिकहरु झन आक्रोसित बनेका थिए । अहिले वडा नं. १ र ९ को मतपेटिका गणना हुँदैछ ।