सप्तरीको कञ्चनरुप वडा नं. १ मा जनमतले जसपालाई पछारे

न्यूज ब्यूरो, राजविराज । मधेश प्रदेशको सप्तरी जिल्लास्थित कञ्चनरुप नगरपालिकाको वडा नम्बर १ मा जनमत पार्टीको अग्रता कायमै छ ।

जनमत पार्टीबाट वडाध्यक्षका उम्मेदवार रामदेव शर्माले जसपाका रब्बान खाँनलाई पछारेका छन् ।

ताजा मतपरिणाम अनुसा जनमत पार्टीका शर्मालाई ३३३ मत प्राप्त भएको छ भने जसपाका खानलाई २४४ मत प्राप्त भएको छ ।

जसपाभन्दा जनमत अहिले ८९ मतले अग्रता लिएको छ । मधेश प्रदेशको विभिन्न जिल्लामा डा. सिके राउत नेतृत्वको जनमत पार्टीले प्रथम पटक स्थानीय तह निर्वाचनमा उम्मेदवारी दिएको हो ।