सिरहाका पत्रकार मण्डल रहेनन् , महासंघद्धारा शोक व्यक्त

न्यूज ब्यूरो, सिरहा । विगत १५ बर्ष देखि निरन्तर पत्रकारिता क्षेत्रमा आबद्व मित्र रोहित कुमार मण्डलको अल्पायूमै मृत्यू भएको छ ।

मधेश प्रदेशको सप्तरीको सुरुङ्गा नगरपालिका वडा नम्बर ७ घर भएका मण्डल सिरहा जिल्ला कार्यक्षेत्र बनाई पत्रकारीता पेशामा आबद्ध रहँदै आएका थिए ।

उनको शुक्रबार राती राती आचानक उनको निजी निवास पोखरियामा अल्पायूमै मृत्यू भएको हो ।

नेपाल पत्रकार महासंघ सिरहा शाखाको सदस्य तथा हिमालय टाईम्स राष्ट्रिय दैनिक पत्रीका ,मध्याह्न राष्ट्रिय दैनिक, जनकपुर टुडे पत्रीका लगायत सिरहा र देशका दर्जनौ स्थानीय पत्रपत्रीका , अनलाइन र एफ एम रेडियोहरुमा काम गर्दै आएका थिए।

योग्यताको हिसाबले उनि मास्टर्स डिग्री गरेका थिए । मिलनसार हसिलो स्वभावका मण्डलको बुवा , आमा , श्रीमती , भाई, बुहारी सहित एक छोरा र एक छोरी छन् ।

नेपाल पत्रकार महासँघ सिरहाले एक शोक विज्ञप्ति जारी गरी दिवङ्गत आत्माको चिर शान्तिको कामना गर्दै शोक सन्तप्त परिवारजनमा इश्वरले धैर्य धारण गर्ने शक्ति प्रदान गरुन् भन्दै संवेदना प्रकट गरेको छ ।