दुई हप्ताभित्रै पटना - जनकपुर बस सेवा सँचालन, भाडा कति ?

न्यूज ब्यूरो ||
जनकपुरधाम, २० चैत्त । प्रदेश २ को राजधानी जनकपुर र भारत विहारको राजधानी पटनालाई जोड्ने बस सेवा सँचालन हुने भएको छ ।

आउँदो १५ अप्रिलदेखि सो बस सेवा सुचारु हुन मात्र १२ दिन बाँकी रहेको छ ।

बिहारको राजधानी पटना र नेपालको प्रदेश नम्बर २ को राजधानी जनकपुरलाई बस सेवाबाट जोडिने प्रकृयाहरु पुरा भएका छन् ।

अधिकारीहरुका अनुसार अप्रिल १५ तारेखदेखि पटना–जनकपुरधाम र बोधगया–काठमाण्डु बस सेवा सञ्चालन हुने छ ।

दुई देशबीच सञ्चालन हुन लागेका बसहरु अत्यन्त अरामदायी र सुविधा सम्पन्न रहेको दावी गरिएको छ ।

बस सेवा सञ्चालनका लागि बिहार सरकार र नेपाल सरकारले अनुमति प्रदान गरिसकेको अधिकारीहरुले जनाएका छन् ।

बोधगयाबाट काठमाण्डुका लागि छुट्ने बस पटनाहुँदै मुजफ्फरपुर, रक्सौल, बीरगञ्ज भएर काठमाण्डु जाने रुट निर्धारण गरिएको छ । पटनाबाट मुजफ्फरपुर, सीतामढी हुँदै बस जनकपुरधाम जाने अधिकारीहरुले जनाएका छन् ।

भारती सरकारले यसै हप्ता सेवा सञ्चालनका लागि अनुमति दिने अनुमान गरिएको छ ।

बिहार र नेपाल सरकारले अनुमति दिईसकेपनि भारतीय सरकारलाई अनुमति प्रदान गर्न कठिनाई नहुने अधिकारीहरुले बताए ।

बोधगयाबाट काठमाण्डुका लागि ४ वटा बस र पटनाबाट जनकपुरका लागि ५ वटा सब सेवा सञ्चालन हुनेछ । बोल्वो ईञ्जिन भएको बसहरु बतानुकुलित लगायतका सुविधाहरु युक्त रहने छन् ।

बिहार सरकारले‘ ३ पी’ ९पब्लिक, प्राईवेट पार्टनरशिप०को मोडलमा निजी बस सञ्चालकहरुबाट सेवा सञ्चालनमा ल्याउने छ ।

बोधगयाबाट काठमाण्डु चल्ने बसका लागि वीआइपी ट्राभल्सका संचालक सतीश कुमारसित सरकारले सम्झौता गरेको छ । उक्त रुटमा चल्ने ४ वटै बस वीआईपी ट्राभल्सका रहने छन् ।

त्यसैगरि पटनादेखि जनकपुरका लागि ३ वटा बस चलाउने अनुमति सतीश कुमारलाई दिइएको छ ।

अर्का बस एजेन्सीका संचालक अमित कुमारलाई पटनादेखि जनकपुरका लागि २ वटा बस सञ्चालनका लागि अनुमति दिएको छ ।बोधगयाबाट काठमाण्डुको दूरी ६ सय ५० किलोमिटर रहेको छ ।

पटनाबाट जनकपुरको दूरी २ सय १०किलोमिटर रहेको छ । बोधगयाबाट काठमाण्डु जाने बस पटनाहुँदै जाने छ । यसमा पटनाबाट पनि यात्रुहरुले सिट सुरक्षित गर्न सक्नेछन् ।

कानूनी प्रकृयाहरु अन्तिम चरणमा रहेपनि बसको समय तालिका निर्धारण गरिएको छैन् ।

बोधगयाबाट काठमाण्डुको भाडा ९ सय भारतीय रुपैया राखिएको छ ।

त्यसै गरी पटनादेखि काठमाण्डुको ८ सय र पटनादेखि जनकपुरधामको भाडा २ सय ५० भारतीय रुपैया निर्धारण गरिएको छ ।

जनकपुरटुडेको सहयोगमा