मेयरको पहलमा मन्दिर, स्थानीयमा हर्षोल्लास

न्यूज ब्यूरो ||
जनकपुरधाम, १९ चैत्त । कान्छो मेयर उदय कुमार बरबरियाले मन्दिर निर्माणको लागि पहल र शिलान्यास गरेपछि स्थानीयवासीहरु हर्ष प्रकट गरेका छन् ।

धनुषाको शहिदनगर नगरपालिकाका मेयर बरबरियाले नगरपालिकाको वडा नं. ५ बासुदेवपट्टीमा लक्ष्मीनारायण मन्दिरको सँयुक्त शिलान्यास गरिएको हो ।

मन्दिर शिलान्यास गर्दै मेयर बरबरियाले हजारौ नगरवासीको आस्थाको केन्द्र निर्माणको लागि शिलान्यास गर्दा आफूलाई पनि उत्तिकै हर्ष महसुस भएको बताए ।

नगरभित्र मन्दिर, मस्जिद निर्माणको लागि आवश्यकता बमोजिम गर्ने प्रतिवद्धता समेत जाहेर गरे ।

जनगुनासो र जनअपेक्षालाई मध्यनजर गरी विना हिचकिचाहट यस्ता धार्मिक आस्थाका केन्द्रहरुको लागि जतिबेला पनि तत्पर रहने बताए ।

मन्दिर शिलान्यास कार्यक्रममा वडाध्यक्ष रामरतन पासवान, उपमेयर शिला कापर, वडाअध्यक्ष तनुकलाल यादव, रामदेव मरिक, वडा अध्यक्ष रामएकबाल शाह,कन्हैया मुखिया, हलखोरी कापर लगायत स्थानीयवासीहरुको उपस्थितमा शिलान्यास कार्यक्रम सम्पन्न भएको छ ।

मन्दिको शिलान्यास भएको देखर स्थानीयहरु निकै उत्साहित र खुशी देखिएको थियो ।

शिलान्यास भएको मन्दिरको लागी भवन निर्माण कार्य समेत केहि दिनमै सुरुवात गर्ने वडाअध्यक्ष रामरतन पासवानले बताए ।