धनको धाक लगाएर मत माग्दै राजस्व छलीको आरोपित महतो

सुरेन्द्र यादव, जनकपुरधाम | ‘म पैसा कमाउन चुनाव लड्न आएको होइन् । नगरवासीको सेवा गर्न आएको हुँ । मलाई धनको कमी छैन्, भगवानले सबैथोक दिएको छ । जनकपुरमा अहिले पनि मेरो व्यक्तिगत ४ करोडको लगानी छ । म जानकी मताको कसम खाएर भन्छु । म कुनै स्वार्थको राजनीतिक गर्न आएको होइन । निस्वार्थ भवनाले सेवा गर्न आएको हुँ,’ यो वाक्य हो, जनकपुरधाम उपमहानगरपालिकाको प्रमुख पदमा स्वतन्त्र उमेदवारी दिएका बलराम महतोको हो ।’ उनले पटक पटक मतदातासँग यस्तै ढाड्स दिइरहेका हुन्छन् ।

जनकपुरधाम उपमहानगरपालिकाका १८ कनकपट्टीका २७ वर्षीया श्याम साहले गाउँमा दिन्हुँ नेताहरुले आश्वासनसहितको भाषण दिने गरेको बताउँछन् । ‘नगर प्रमुखमा निर्वाचित भएपछि नगरपालिको सवारीसाधन प्रयोग नगर्ने र पाउने पारिश्रम पनि बुद्धआश्रममा दान गर्न छु,’उमेदवार महतोको कुरा उदृत गर्दै साहले भने,‘म निर्माण व्यावसायबाट आएपनि निर्वाचित भएपछि मेरो फर्म नगरपालिकाको ठेक्कापट्टामा संलग्न हुँदैनन् ।’

पूर्व निर्माण व्यावसायी बलराम महतो जनकपुरधाम उपमहानगरपालिकामा प्रमुख पदको लागि स्वतन्त्र उम्मेदवारी दर्ता गराएका छन् । महतो चैत्त २६ गते पत्रकारसम्मेलन गरी नगर प्रमुख पदमा स्वतन्त्र उम्मेदवारी घोषणा गरेको थियो । उम्मेदवारी घोषणा गरीलगत्तै उनी तामझाम सहित उपमहानगरपालिकाको वाड–वाडमा दौडहा सुरु गरेका छन् ।

उनले उम्मेदवारी घोषणा गरेको एक दिन अघिनै निर्वाचन आयोगले अचारसहिता जारी गरेको थियो । तर उनी आंचारसहिता बिपरीत सवारीसधानको प्रयोग लगायत प्रचारत्मक सामग्रीसहित टोलटोलमा पुगेर आफूले विगतमा गरेको काम र निर्वाचित भएपछि गरिने कामको फेहरिस्त बाँड्दै हिड्या छ ।

नगर प्रमुखमा निर्वाचित भएपछि नगरपालिको सवारीसाधन प्रयोग नगर्ने र पाउने पारिश्रम पनि बुद्धआश्रममा दान गर्न बताउँदै आएका छन् । उनी घरदैलो कार्यक्रममा जनतासँग यस्तै प्रतिबद्धता जनाइरहेको छ । म निर्माण व्यावसायबाट आएपनि निर्वाचित भएपछि मेरो फर्म नगरपालिकाको ठेक्कापट्टामा संलग्न नरहने बताउँछन् । नगरपालिकाको बजेट करोडमा हुन्छ । मेरो छोराहरुलाई करोडको टेण्डर भर्ने फुर्सत छैन् । राष्ट्रिय गौरव योजनाहरु जो अर्बौ खर्बको हुन्छ । त्यस्ता टेण्डर मात्र विट गर्छौ । त्यसैले बलराम महतो निर्वाचित भएपछि नगरपालिकाको ठेक्कापट्टामा छोरालाई संलग्न गराउँछ भने आशंकाबाट मुक्त पार्न उनले मतदातासँग यस्ता वाक्य प्रयोग गर्न कहिले बिर्सिदैन ।

महतो उम्मेदवारी घोषणा गरेको ३ दिनपछि २९ गते रेल्वेस्टेशनदेखि सिता चौकसम्म व्यक्तिगत लगानीमा सडक मर्मत गर्न लगाए । मधेशमा बैशाख १ गते नयाँ वर्षको दिन रुखमा पानि हालेर जुरसितल मनाउने गरेका छन् । त्यो दिन महतोले पानी टंयाकीमा आफ्नो फोटोसहितको बाइर बाँधेर जनकपुरको सडक पेटिमा लगाएको रुखमा पानी हाल्न लागाएर स्थानीयसँग मत मागे ।

महतो उम्मेदवारी घोषणा गर्नपूर्व रमण कन्ट्रक्सनको संचालक थिए । अहिले उनी कन्ट्रक्सनको जिम्मा छोरा पवन र रमण महतोलाई दिएको छ । आफू निर्माण व्याबसायबाट संन्यास लिएको बताउँछन् । महतो कन्ट्रक्सनको संचालक रहेकोबेला महतोमाथि राजस्व विभागले २० करोड ८७ लाख कर छली गरेको उच्च अदालत पाटनमा मुद्दा दायर गरेको छ । अहिले उनीमाथि मुद्दा अदालतमा विचाराधीन छ ।

रमण कन्स्ट्रसन प्रालीले २० करोड ८७ लाख बिगो बराबरको राजस्व छली गरेको भन्दै २०७७ मंसिरमा राजस्व विभागले उक्त कम्पनी विरुद्ध मुद्दा दायर गराइएको थियो । उक्त कम्पनीले वस्तु तथा सेवा उत्पादन र स्थानीय खरिद तथा आयात नगरी विक्री मात्रै गरेको,मूल्य अभिवृद्धि कर विवरणमा तथा आय विवरणसमेत दाखिला नगरेको, मालवस्तु खरिद गरेको भनिएको फर्मलाई बैंकमार्फत भुक्तानी नगरी विजकको मात्र हस्तान्तरण गरी राजस्व चुहावट गरेको जनाइएको थियो । उच्च अदालतमा दायर मुद्दामा बिगो असुल गरी जरिवाना र कैद माग गरेको थियो ।

‘कुनै व्यक्तिमाथि आरोप लागदैमा दोषी हुने होइन । जबसम्म अदालतले दोषी ठहर गर्दैन तबसम्म निर्वाचन आयोगले कसैको उम्मेदवारी बदर गर्न सकिदैन प्रदेश निर्वाचन कार्यलयको प्रमुख श्रीधर पन्ति बताउँछन् ।’उनले भने, ‘मुद्दा अदालतमा विचाराधीन रहदैमा उम्मेदवारी खारेज नहुने बताए ।’

जनकपुरधाम उपमहानगरपालिकाको प्रमुख पदमा ४१ जनाले उम्मेदवारी दर्ता गएका छन् । तर मुख्य प्रतिस्पर्धि पाँच जनानै देखिन्छ । पाँच दलीय गठबन्धनका साझा उम्मेदवार लाल किशोर साह, (लोसपा) बाट मनोज चौधरी, कांग्रेस परित्याग गरी स्वतन्त्र उम्मेदवारी दिएको मनोज साह, एमालेबाट शिवशंकर साह हिरा, लोसपा हुदै एमालेबाट टिकट नपाएपछि ६ दिनमै एमालेबाट फर्किएर स्वतन्त्र उम्मेदवारी दर्ता गराएका जानकीराम साह र स्वतन्त्र उम्मेदवारी दिएका बलराम महतो बीच प्रतिस्पर्धा हुने सर्बसधारणको आंकलन छ ।

तत्कालीन राजपा बाट लालकिशोर साह दस हजार मतान्तरले नेपाली कांग्रेसका उम्मेदवार मनोज साहलाई पराजित गरी निर्वाचित भएका थिए ।