जनकनन्दिनीमा काँग्रेसका सुदेश चौधरी र कमला सहगलको घरदैलो

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकाको अध्यक्ष पदका उम्मेदवार सुदेश चौधरी र उपाध्यक्ष पदकी उम्मेदवार कमला सहगलले आजदेखि घरदैलो अभियानलाई तिव्रता दिएका छन् ।

जनकनन्दिनी गाउँपालिकामा मजबुत मानिएको नेपाली काँग्रेस पार्टीबाट अध्यक्षका उम्मेदवार चौधरी र उपाध्यक्षका उम्मेदवार सहगलले विभिन्न टोल वस्तीमा पुगेर अभियानलाई तीव्रता दिएको हो ।

गत सोमबार मनोयन दर्ता गराएका उम्मेदवारद्धयले जनकनन्दिनी गाउँपालिकाको वडाहरुमा पुगेर मतदाताहरु रिझाउने कार्यलाई तीव्र पारेका छन् ।

गत चुनावमा नेपाली काँग्रेसबाटै भारी मतले विजय भएका निवर्तमान अध्यक्ष अब्दुल बारिक शेख तथा उपाध्यक्ष भारती कार्की सहगलको प्रभावले पनि काँग्रेसको प्रभाव जनकनन्दिनीमा बलियो देखिएको छ ।

जनकनन्दिनीमा सुदेश चौधरी नेपाली काँग्रेसबाट चर्चित नेताको रुपमा चिनिन्छन् भने कमला सहगल पनि महिला नेतृमा परिचित मुखौटा हुन् ।