कमला नगरपालिकामा वडा नं. १ मा जसपा बाहेक कुनै पार्टीको सँगठन छैनः यादव

न्यूज ब्यूरो, जनकपुरधाम । पूर्वी धनुषाको कमला नगरपालिकाको वडा नम्बर १ बाट निवर्तमान एवम् प्रत्यासी वडाध्यक्षका उम्मेदवार राजकुमार यादवले वडामा जनता समाजवादी पाटी (जसपा) बाहेक अन्य कुनै पार्टीको सँगठन बलियो नरहेको दाबी गरेका छन् ।

चुनावी परिचर्चाको क्रममा न्यूज ब्यूरोसँग कुराकानी गर्दै वडाध्यक्षका उम्मेदवार यादवले वडामा जसपाको सँगठन नै सबभन्दा बलियो र मजबुत रहेको दाबी गरेका छन् ।

२०७४ सालको चुनावमा भारी मतले निर्वाचित भएका वडाध्यक्ष यादवले आफूले वडामा गरेको विकास निर्माणको कार्यलाई हरेक दृष्टिबाट वडावासीले निगरानी गरेको बताउँदै सक्षम उम्मेदवारलाई चयन गर्ने बताए ।

उनले भने, –“यहाँका केही उम्मेदवारहरुको प्रवृतिलाई यहाँका नागरिकहरुले नजिकबाट नियाल्दै आएको छ । पार्टीको सँगठन छिटफुट हुँदैमा मतदान सबल उम्मेदवारलाई मात्र गर्नेछ । यहाँ यतिको दिनसम्म जनतालाई धम्काउनेलाई भोँट हाल्दैन ।”

वडामा विकासको कार्यहरुलाई बयान गर्दै उनले भौतिक पूर्वाधारमा सबल भएपनि अब शिक्षा, स्वास्थ्य र कृषिमा सबल हुन जनताले सबल उम्मेदवारलाई चयन गर्नेमा दृढता प्रकट गरे ।

उनले भने, –“वडा नम्बर १ मा जसपाको सँगठन भन्दा अन्य कुनै राजनीतिक दलको सँगठन छैन, मिडियामा मात्र बोल्नु र ग्राउण्डमा वास्तविकता एउटै होईन् । चुनावको नतिजा आएपछि ग्राउण्ड थाहा हुन्छ ।