'कृष्ण जी नेपाली काँग्रेसका सात्विक नेता हुनुहुन्थ्योः नेता ढुँगाना

न्यूज ब्यूरो, जनकपुरधाम । नेपाली काँग्रेसका केन्द्रीय नेता आनन्द प्रसाद ढुँगानाले नेपाली काँग्रेसका दिवगन्त नेता श्रीकृष्ण यादव सात्विक र इमान्दार नेता रहेको बताए ।

नेपाली काँग्रेसमा निरन्तर प्रभाव जमाउँदै आएका धनुषाधाम नगरपालिका वडा नं. ५ नौयसविघाका दिवगन्त नेता कृष्ण यादवको प्रथम पुण्यतिथिको अवसरमा राखिएको श्रद्धाञ्जली कार्यक्रममा नेता ढुँगानाले इमान्दार नेताहरुमध्ये श्रीकृष्णको नाम अग्र श्रेणीमा रहेको बताए ।

गत बर्ष कोरोनाकालमा अकालमै ज्यान गुमाएका नौयसविघाका नेपाली काँग्रेसका प्रभावशाली नेताको प्रथम पुण्यतिथिको क्रममा श्रद्धाजली दिँदै नेता ढुँगानाले उनलाई सात्विक र इमान्दार नेताको रुपमा सम्बोधन गरे ।

न्यूज ब्यूरोका कार्यकारी सम्पादक समेत रहेका पत्रकार विनय कुमार यादवको बुवा समेत रहेका नेता यादवको पुण्यतिथिको अवसरमा धनुषाधाम नगरपालिकाभरिका नेताहरुले श्रद्धाञ्जली अर्पण गरेका हुन् ।

सो क्रममा धनुषाधाम नगरपालिकाका नगर प्रमुखका उम्मेदवार बालेश्वर मण्डल,उपमेयर पदकी उम्मेदवार विद्या देवी भुजेल, वडाध्यक्षका उम्मेदवार ईन्द्र कुमार महतो लगायतका नेताहरुको उपस्थिति रहेको थियो ।