विदेह नगरपालिकामा कलम छापबाट मेयरमा राजकिशोर रोहिताको उम्मेदवारी

न्यूज ब्यूरो, जनकपुरधाम । धनुषाको विदेह नगरपालिकामा गत चुनावमा झिनो मतले मात्र पराजित भएका प्रत्यासी उम्मेदवार राजकिशोर रोहिता (यादव) ले पुनः मेयरमा उम्मेदवारी दर्ता गराएका छन् ।

नेकपा (समाजवादी) बाट उनले विदेह नगरपालिकाको मेयर पदमा सोमबार उम्मेदवारी दर्ता गराएको हो । निवर्तमान मेयर बेचन दासलाई कडा चुनौती र टक्कर दिएका प्रत्यासी उम्मेदवार रोहिता यसपाली बलियो भएर उभेको बताएका छन् ।

यस्तै, समाजवादी पार्टीबाटै उपमेयरमा सजंना अधिकारीले उम्मेदवारी दिएकी छन् ।

सोमबार दिउँसो विदेह नगरपालिकाको तिनकोरिया चौक स्थित स्थानीय तहको निर्वाचन अधिकृतको कार्यालय पुगेर यादव र अधिकारीले आफ्नो उम्मेदवारी दर्ता गराएका हुन् ।