मन्त्री जीतेन्द्र सोनलले गरे वडाकार्यालय शिलान्यास

न्यूज ब्यूरो ||
जनकपुरधाम, १८ चैत्त । प्रदेश नं. २ को भौतिक पूर्वाधार बिकास मन्त्री जितेन्द्र सोनलले कमला नगरपालिका वडा नं. ९ का वडा कार्यालयको दुबरकोटमा शिलान्यास गरेको छ ।

नेपाल सरकार र बेलायतको सहयोगमा संचालित सामुदायिक बिकास कार्यक्रम धनुषाको १ करोड ५१ लाख ५२ हजार ७ सय २२ रुपैयाको सहयोगले ६ महिनामा १० कोठा दुई तला वडा कार्यालयको निर्माण गर्ने यस् परियोजनाका जिल्ला संयोजक खड्भुसन साहले जानकारी दिनु भयो ।

वडा नं. ९ को वडाध्यक्षको अध्यक्षतामा भएको कार्यक्रममा प्रदेश २ को प्रदेश सभा साँसद परमेश्वर साह , जिल्ला समन्वय समिति धनुषाका प्रमुख रामदेव यादव ,कमला नगरपालिका प्रमुख राम उदगार गोइत लगायत विभिन्न पार्टीको प्रतिनिधिहरुको उपस्थिति रहेको थियो ।

सोही कार्यक्रममा धनुषाको आयोजनामा नागरिक सचेतना केन्द्रका सदस्यहरु लाई जीविकोपार्जन सुधार कार्यक्रम अन्तर्गत घुम्ती कोषको चेक हस्तान्तरण गरिएको थियो ।