धनुषाको शहिदनगरमा माओवादीबाट मेयरमा पुनः बरबरियाको उम्मेदवारी दर्ता

न्यूज ब्यूरो, जनकपुरधाम । नेपालकै कान्छो मेयर भनेर परिचित धनुषाको शहिदनगर नगरपालिकाका निवर्तमान मेयर उदय कुमार बरबरिया (यादव) ले पुनः मेयर पदमा उम्मेदवारी दर्ता गराएका छन् ।

वि.सं. २०७४ सालको स्थानीय तह निर्वाचनमा नेपाल कम्यूनिष्ट पार्टी (माओवादी केन्द्र) बाट नेपालको सबभन्दा कम उमेरको मेयरको रुपमा विजयी भएका बरबरियाले शहिदनगरको मेयरको लागि उम्मेदवारी दर्ता गराएका हुन् ।

शहिदनगरको यदुकुहास्थित रहेको निर्वाचन अधिकृतको कार्यालयमा जुलुससहित पुगेका बरबरियाले मेयरको लागि मनोयन दर्ता गराएको हो ।

उनको साथै उपमेयरको लागि नेपाल कम्यूनिष्ट पार्टी (माओवादी केन्द्र) पार्टीबाटै रेखा मण्डलले उम्मेदवारी दर्ता गराएकी हुन् ।

शहिदनगरमा गत चुनावमा नेपाली काँग्रेस र माओवादी केन्द्रबीच प्रतिष्पर्धा रहेकोमा यसपाली बरबरियाको प्यानल बलियो तथा नगरमा माओवादी केन्द्रको सँगठन बलियो मानिएको छ ।

नेपाली काँग्रेसबाट शहिदनगरमा सुधीर गोईतले मेयर पदमा उम्मेदवारी दर्ता गराएका हुन् । गत चुनावमा देबेन्द्र भर्खेर भारी मतले उदय बरबरियासँग पराजीत भएका थिए ।